أبرزهم فاروق الفيشاوي.. 10 فنانين تعاطوا المخدرات وأدمنوها (فيديوجراف)

الفنانين دايما حياتهم تحت الأضواء وبالذات أخطاءهم، والنهارده هنتكلم عن أشهر 10 فنانين اتعاطوا المخدرات وأدمنوها في الوسط الفني، وأول واحدة معانا شيرين عبد الوهاب اللي دخلت مصحة علاج من الإدمان بعد أزمتها مع حسام حبيب.
ودينا الشربيني اللي اتقبض عليها وهي بتشتري كوكايين في 2013، واتسجنت عليها سنة، ده غير الغرامة.
كمان اتقبض على المطرب جورج وسوف في السويد بتهمة حيازة الهيروين، وده قبل ما يفرج عنه من محكمة ستوكهولم.
والممثل أحمد عزمي اللي اتقبض عليه في شرم الشيخ ومعاه كمية مخدرات، واتسجن ودفع وقتها غرامة، وقال إن إدمانه اتسبب في موت والدته.
والمطرب الشعبي ريكو اللي اتقبض عليه في شقة في العبور ومعاه كمية من الهيروين، واتسجن عليها سنة.
وماجدة الخطيب اللي اتسجنت مرة من المرات بسبب المخدرات.
وكمان الفنان سعيد صالح اللي اتقبض عليه مرتين، أول مرة سنة 91، والتانية سنة 96، ولكن المرة دي اتسجن عليها سنة.
وكمان الممثل حاتم ذو الفقار اللي اتسجن سنة بسبب المخدرات، وبعدها انسحب من الوسط الفني لحد وفاته.
وبطلة فيلم اللي بالي بالك نيفين مندور، اللي اتقبض عليها بكمية كوكايين وما صدرش حكم في القضية دي لحد دلوقتي.
أما الراحل فاروق الفيشاوي فاعترف في تصريح تليفزيوني له إنه كان مدمن مخدرات في شبابه، وقال إنها كانت تجربة صعبة عليه.

تابع أحدث الأخبار عبر