أخبار محكمة الأسرة
محكمة الأسرة وحكاياتها.. أسماء: نزواته كتير والروج اللي على الملاية فضحه
"خيانات لا تنتهي" كان هذا السبب الذي جعل أسماء تقصد محكمة الأسرة ورفع دعوى خلع بسبب خيانات الزوج الذي ظنت أنها تتلاشى مع الأيام ولكن الذي يحدث عكس ذلك نهائيًا، وتمادى الأمر حتى اتخذت قرار الانفصال بلا رجعة واللجوء إلى محكمة الأسرة ورفع دعوى خلع ضده.
قصص محكمة الأسرة .. كنت فاكراه هيتغير
بدأت أسماء رواياتها لـ "الحادثة" مؤكدة على الخيانات التي تتعرض لها من قبل الزوج من بدية الزواج ولكن الذي جعلها تتراجع في كل مرة تفكر فيها اللجوء إلى محكمة الأسرة هم الأولاد، أكملت: "خاني كتير أوي وأنا كل مرة بعرف وبعدي عشان مخربش البيت وكنت لما بفكر في الطلاق كنت بقول حرام أخرب البيت واستحمل وخلاص عشان العيال وه ومسيره يتغير معايا ويتعدل".
حكايات محكمة الأسرة .. من كتر ما قفشته مش عارفة خاني كام مرة
لم يتغير الزوج بل بالعكس تمادى في خياناته التي جعلت المشكلات بينهما تتفاقم ومع ذلك صبرت معه ولم تخبر أي شخص بنزواته الكثيرة على أمل تغير الأوضاع والعيش في حياة مستقرة، تابعت: “عديت كتير وسكت كتير ومكنتش برضى اعرف حد بخياناته الكتير وإنه مش كويس وكنت بسكت عشان خاطر عايزة احافظ على البيت من الخرب، بس هو مكنش فارق معاه أي حاجة”.
تستكمل أسماء حكاياتها قائلة: "من كتر ما قفشته مش عارفة خاني كام مرة، اللي كان بيخليني أعدي إنها كانت بيبقى كلام عادي على التليفون مش حاجة كبيرة".
أخبار محكمة الأسرة .. أسماء: الروج اللي عرفني إنه بيجيب ستات البيت
بدأت الأمور تتعقد بعد ما اكتشفت أنه يجلب السيدات للمنزل في غيابها، وعندما تغاضت عن الأمر مرة تكرر كثيرًا بعد ذلك ما جعلها تقصد محكمة الأسرة ورفع دعوى خلع، أضافت أسماء: “الموضوع كبر وبقى يجيب الستات اللي يعرفهم البيت وأنا مش موجودة وعرفت الموضوع دا من الروج اللي بقيت أشوف على ملايات السرير”.
أنهت حكاياتها قائلة: "كنت بعدي خياناته اللي في التليفون بس لما يوصل الموضوع لحد البيت دا اللي مش هقدر استحمله عشان كدا رفعت عليه قضية خلع"
تابع أحدث الأخبار عبر
