محكمة الأسرة.. منى: عقيم وحرمني من الخلفة وفي الآخر مطلع إني معيوبة

بعد سنين الحرمان تواجدت «منى» على أبواب محكمة الأسرة، تحاول أن تجدد التي حرمت منها طوال حياتها مع زوجتها، بعد حرمان زوج «منى» من نعمة الأطفال لم يكفيه حرمانه لها بسبب عقمه أخذ منها حقوقها وعفشها ورفض كل الحلول الودية وأجبرها في النهاية للتوجه لمحكمة الأسرة حتى تحصل على حقوقها التي لم تستطيع الحصول عليها بطريقة ودية وهي تحمل الأسى على ما شهدته في حياتها من غدر وقهر من زوجها.

قصص محكمة الأسرة.. جوزي كان كويس أول الجواز

قالت «منى» في بداية حديثها: «أنا اتجوزت من ٧ سنين أنا وجوزي كنا قرايب من بعيد، في الاول كان كويس جدا وطيب ومحترم هو وأهله ومفيش منهم أي مشاكل، في أول الجواز كان كويس وبيعاملني معاملة كويسة لكن كل ده اتغير بعدين».

حكايات محكمة الأسرة.. جوزي عقيم ومبيخلفش

تابعت «منى»: «المشاكل بدأت لما اكتشفنا ان في مشاكل للخلفة في أول سنتين جواز، موضوع الخلفة كان سبب كل الخلافات اللي بينا، اكتشفنا على طول إن العيب من عنده وإنه مبيخلفش لكنه مكنش راضي يعترف إنه السبب مع إني متكلمتش ولا اعترضت على أمر ربنا».

اقرأ أيضا

محكمة الأسرة اليوم .. همت: طلقني في التليفون .. ومريم: سبت تعليمي عشانه وفي الآخر مرمطني

محكمة الأسرة.. سلمى: عمتي بتقول لأبويا أرمي بنتك في الشارع

دعاوي محكمة الأسرة.. مبيخلفش وبيجيب العيب فيا

أكملت الزوجة حديثها:«صبرت على حالي مع جوزي ومرضيتش أسيبه بالرغم من إنه مبيخلفش وكملت معاه واتحملت وقلت ربنا يعوضنا، لكن المشاكل كل مادى كانت بتزيد وبيقول عليا إني مبخلفش والعيب مني هو وأهله، لحد ما اكتشفت إنه اتجوز عليا عشان يقدر يخلف، ولما عرفت سيبته على طول».

قضايا محكمة الأسرة.. ضيعت عمري معاه

أنهت «منى» حديثها: «من بعد ما سيبته مرجعنيش وسابني من غير طلاق، لحد ما رفعت عليه قضية طلاق للضرر للزواج بأخرى، هو استئناف على الحكم إنه مش عايز يطلق وبينكر إنه السبب في عدم الخلفة بالرغم إنه اتجوز بقاله سنتين ومخلفش، والتانية جت معاه جلسة عشان تثبت إنه زي الفل ومعندوش مشكلة في الجواز وأنا مقولتش إن عنده مشكلة أنا قلت مبيخلفش ودي الحقيقة، ضيع عمري معاه وخد حقي وعفشي وكل حاجة».

تابع أحدث الأخبار عبر