أخبار محكمة الأسرة
محكمة الأسرة.. أم حنان: كل رمضان يرميها عندي ويرجع ياخدها عشان مزاجه
كانت «أم حنان» في محكمة الأسرة مع ابنتها تمد لها يد العون والمساعدة لتساعدها في الحصول على حريتها من زوجها الذي دمر حياتها وترك تحكمات والدته واخته تسيطر على حياته وعلى قرارته في حياته الزوجية، حاولت «أم حنان» أن تحافظ على بيت ابنتها من الخراب حتى لا تدمر حلمها في الحصول على بيت وأسرة ولتحافظ على أحفادها ويتربوا في بيئة طيبة، لكن عندما وجدت ما تواجهه ابنتها في حياتها قررت أن تأخذها وتوجهت لمحكمة الأسرة لتبحث عن مستقبل مشرق لها ولأحفادها ولتعوضها عما مرت به في حياتها مع زوجها.
قصص محكمة الأسرة.. جوز بنتي مبيسألش فيها بقاله 5 سنين
قالت «حنان» في بداية حديثها: «بنتي اتجوزت من 11 سنة معاها ولدين، جوزها كان كويس الأول ومفيش مشاكل لكن بعدين كل حاجة اتغيرت، جوزها سايباه من 5 سنين مبيسألش عليها ولا على عيالها خالص، اتطلقت منه من سنتين بالمحكمة بقضية خلع ودلوقتي رافعة عليه قضية نفقة عشان حق ولادها».
دعاوي محكمة الأسرة.. جوز بنتي همجي وبيضربها
أكملت الزوجة حديثها: «لسانه طويل وأمه واخته بيتدخلوا في كل حاجة بنتي مكنتش عايشة في بيت عايلة بس أمه كانت بتعاملها وحش وبتقوموا عليها، كان بيضربها وايده طويلة طول الوقت مبهدلها ضرب وإهانة وهمجي، كل ده مكنتش أعرفه لو كنت أعرف كنت خليتها تسيبه على طول».
قضايا محكمة الأسرة.. بيرميها كل رمضان وميصرفش عليها
تابعت «حنان»: «كان بيسيبها كل سنة أول يوم رمضان عندي ويقول معيش فلوس أصرف عليها أنا بصرف على أمي وأختي، واخته متجوزة وجوزها بيصرف عليها وأمه بتشغل ومعاها فلوس إنما بنتي مين اللي هيصرف عليها يسبهالي طول رمضان ويرجعها يوم الوقفة يرجعها عشان خاطر مزاجه».
حكايات محكمة الأسرة.. مرضيتش ارجع بنتي للبهدلة
أنهت «حنان» حديثها وقالت: « حاولت كتير أصبر بنتي على حالها ومخليهاش تسيبه لكن بهدلته ليها كل مادى كانت بتزيد خلتها تسيبه وترفع عليه خلع وكسبتها وبعد كدة رفعت عليه نفقة لأنه مبيسألش في ولادها ولا فيها حاول يرجعها بس أنا مرضيتش ارمي بنتي للبهدلة دي تاني».
تابع أحدث الأخبار عبر
