أخبار محكمة الأسرة
مكنش بخيل كده.. هبة: بيصرف على الغريب وسايب عياله من غير غدا
توسلت هبة بالقضاء من خلال رفع دعوى نفقة في محكمة الأسرة لرفض زوجها الإنفاق عليها هي وأولاده رغم غناه، مشيرة إلى أنه ينفق على أصدقائه وأشقائه ولكن حينما تتعلق المصروفات بالمنزل فلا يملك جنيهًا واحد حينها، وبعدما استمر زوجها على إصراره بعدم الإنفاق لجأت إلى محكمة الأسرة لعلها تجد حلاً.
حكايات محكمة الأسرة .. مكنش بيستخسر فينا حاجة
تستهل هبه رواياتها لـ "الحادثة" مؤكدة على معاناتها مع زوجها الذي لا يريد الإنفاق عليها هي والأولاد مع العلم أنه ينفق على أقاربه وأصدقاءه دون الالتفات لمتطلبات بيته أولاده، تابعت: "مكنش بخيل كدا علينا في الأول، أول تلات سنين في الجواز كانت الدنيا تمام وكان بيصرف علينا كويس جدًا وكل اللي احنا عايزينه بيجيبه على طول، تغير فجأة معرفش إيه السبب ومين اللي قومه علينا خلاه مش عايز يصرف على بيته وعياله".
قصص محكمة الأسرة .. بيبعزق فلوسه على أصحابه وإخوته
حاولت أن تفهم السبب وراء تغيره المفاجئ ولكنها فشلت، واستمر الزوج على هذا الأسلوب الذي كان سبب تعاستها وتفكيرها في الانفصال ولكنها كانت تراجع نفسها حتى لا تتصاعد الأمور وتصل إلى محكمة الأسرة ولكن مع الأسف تصاعدت الأمور بالفعل وبدأت التفكير في رفع دعوى نفقة، أضافت هبه: "مبقاش يرضى يسيب لي فلوس عشان أجيب غد ليا وللعيال، في الأول كنت فاهمة إن الظروف المادية معاه مش قد كدا بس الحقيقة إنه لما استمر على الأسلوب دا إتاكدت إن في حاجة اكيد"، تابعت: "اتفاجئت إنه بيقول لي مفيش فلوس وبيبعزق الفلوس على أصحابه وإخوته ولما يبقى عايزين فلوس للبيت أو عشان اجيب غدا للعيال يقول لي مش معايا وبيبقى معاه فلوس بس وهو برا البيت".
قضايا محكمة الأسرة .. هبه في دعوى نفقة
بعد تفكير عميق لإصلاح حياتها الزوجية لم تجد إلا طريق محكمة الأسرة من خلال رفع دعوى نفقة تطالب فيها زوجها حقها وحق أولادها، تابعت: "اتكلمت معاه بالزوق على المصاريف مفيش فايدة واتخانقنا وبرضوا مفيش فايدة ومش عارفة أعمله إيه عشان يصرف عليا أنا والعيال، لما لقيت إنه بيصرف على الغريب وسايب عياله من غير غدا، بقالنا 8 سنين على الحال دا خلاص مش قادرة استحمل ورفعت عليه قضية نفقة بقالي شهرين" ولا تزال الدعوى منظورة في محكمة الأسرة بزنانيري حتى الآن.
تابع أحدث الأخبار عبر
