عجائب محكمة الأسرة
محكمة الأسرة وعجائبها.. حنان: رفع عليا الساطور وعايز يقتلني أنا والعيال
قصدت حنان محكمة الأسرة باعتبارها الحل الذي بجلب لها حقها من زوجها المدمن الذي حول حياتهما الزوجية المستقرة والهادئة لوكر من المخدرات تعاني منه الزوجة والأولاد ولكنه لم يهتم للأمر ، وأكمل في إدمانه الذي جعله مغيب العقل لدرجة أنه هدد بالقتل، نوت الفرار من هذه الحياة عن طريق رفع دعوى خلع.
قصص محكمة الأسرة
تحول الزوج في آخر سنة من الزواج إلى طور هايج بمعنى الكلمة، بدأت حنان تسترسل تفاصيل قصتها وأول ما بدأت به هو حياتها طوال سنوات الزواج التي كانت تتمتع بالهدوء والاستقرار ولكنه دمرها وحولها لوكر من المخدرات خلال سنة واحدة حتى وصلت إلي محكمة الأسرة في النهاية، أكملت قائلة: "كنا عايشين انا وهو العيال مبسوطين الحمدلله وحياتنا كويسة وهادية مفيهاش اي مشاكل خالص بس كل دا اتحول من ساعة ما عرف الحشيش والمخدرات".
حكايات محكمة الأسرة
في البداية كان لديها الأمل بأنها تقدر على سيطرة الأمور ولكن الوضع كان يزداد في السوء كل يوم ما جعل المشكلات تتصاعد وتصل الي محكمة الأسرة، تابعت: "لما عرفت من سنة إنه عرف طريق المخدرات قلت لسه في الأول وهعرف اخليه يبطل وحاولت معاه كتير اوي بس معرفتش اعمل معاه حاجة، شوية بشوية الدنيا بقيت تبوظ أكتر واكتر وبقا يجيب القرف بتاعه ده يشربه في البيت"، تستكمل باقي قصتها قائلة: "اتخانقت معا كتير وقلت له طالما بتشرب القرف دا تشربه برا متدخلهوش البيت عشان خاطر العيال الصغيرة دي اللي ملهاش ذنب تتخنق من المخدرات، وكل مرة كان بيتخانق معايا ويشرب برضوا في البيت".
عجائب محكمة الأسرة
"وصلت الأمور بينهما لحائط سد بعدما تطرق الأمر إلى "الساطور" الذي كان السبب في نهاية قصة زواجهما، أكملت حنان رواياتها: "زهقت من كتر الخناق وضربه الغبي اللي بقى مبوظ جسمي، بس كنت صابرة عىشان العيال بس آخر خناقة دي مقدرتش أكمل معاه يوم واحد زيادة لما لقيته جاب الساطور معرفش جابه منين ، وكان عايز يموتني أنا والعيال، لولا ستر ربنا مكناش هنبقى عايشين أنا والعيال دلوقتي"، تركت المنزل في اليوم ذاته لرفع دعوى خلع لا تريد أي حقوق منه سوى أنه يبتعد عنها هي وأولادها لتعيش معه في أمان وسلام بعيدًا عن جنونه وتصرفاته المتهورة".
تابع أحدث الأخبار عبر
