مش عارفة اتصرف في بيتي براحتي
أمه ممشينا على مزاجها ..منار بدعوى طلاق: «مش عارفة اتصرف في بيتي براحتي»
استقرار تام نعمت به منار أول 7 سنوات في حياتها الزوجية، أرادت أن تكمل باقي حياتها بهذا الشكل ولكن أهل الزوج كان لم رأي أخر وقرروا أن يتدخلوا في كل شيء يخصهم بطريقة جعلت المشكلات تنشب بين الزوجين بطريقة مستمرة، بعد محاولات فاشلة من الزوجة على أمل إصلاح الوضع قررت في النهاية اللجوء نحو محكمة الاسرة ورفع دعوى طلاق لتتخلص من تسلط عائلة زوجها الذي عكرت عليها حياتها.
كان معيشيني أحلى عيشة
تبدأ الزوجة حديثها لـ "الحادثة" "مؤكدة على أنها نعمت بأجمل ٧ سنوات في حياتها قبل أن يتدخل أهل الزوج الذين غيروا حياتها ونغصوا عليها فرحتها بتسلطهم المبالغ فيه ، أكملت: "هو مخلينا مش عايزين حاجة انا والوالدين وكل اللي احنا عايزينه بيعملهمولنا دا غير معاملته معانا اللي الناس كلها كانت بتحسدنا عليه"، تابعت منار: "فجأة أهله وبالذات أمه بقوا يتدخلوا في حياتنا بشكل مبالغ فيه، بقينا نتخانق طول الوقت بسبب إنهم بيقولوا نعمل اية ومنعملش اية وكل شوية اسيب له البيت بسبب تصرفاتهم وتدخلتهم في كل حاجة".
طول الوقت خناقات بسبب أمه
فجأة تحولت السعادة والاستقرار لمشادات وخلافات يومين لا نهائية بسبب تحريض أهل زوجها عليها ما جعل المشكلات تتصاعد يوم بعد يوم حتى تعقد الأمر أكثر، تستكمل رواياتها: "كنت برجع كل مرة عشان خاطر العيال وأقول حرام والعيال ذنبهم إيه وهيبقى حرام عليا لو طلبت الطلاق وهما صغيرين كدا، بس أمه واخواته بيستهبلوا فيها أوي"، أضافت منار: "بقوا يحرضوه عليا ويقوه عليا وهما بقوا سبب كل المشاكل اللي بين تقريبًا وهو عامل نفسه مش واخد باله، وكل ما أقوله طلقني يقول لي لا أنا مبطلقش".
أمه ممشينا على مزاجها
بعد كل المحاولات التي قدمتها الزوجة على أمل تحسن الأوضاع لم ويتغير أي شيء إلا للأسواء بسبب تصرفات والدته الت يتريد التحكم في كل شيء دون اعتبار لحياتهما الخاصة، تنهي منار رواياتها قائلة: "عديت كتير بس تصرفات أمه مش مخلياني عارفة اتصرف براحتي في بيتي، هي اللي ممشية البيت وممشية كل حاجة وهي اللي تقول نعمل إيه ومنعملش إيه، جبت أخري بصراحة وسيبت البيت ورفعت قضية طلاق"
تابع أحدث الأخبار عبر
