تفاصيل مقتل ضحية عين شمس
ننشر أقوال والد ضحية عين شمس في مقتل نجله للدفاع عن والدته
ننشر أقوال والد ضحية عين شمس في التحقيقات حول مقتل نجله بسبب الدفاع عن والدته في القضية رقم 15502 لسنة 2023 والمعروفة إعلامية بـ جريمة عين شمس، المتهم فيها "مصطفى أ." بإنهاء حياة المجني عليه صابر علاء صابر، وسط الشارع؛ لخلافات سابقة بينهما بسبب دفاع المجني عليه عن والدته.
أقوال والد المجني عليه في عين شمس أمام جهات التحقيق
وداءت أقوال والد المجني عليه أمام جهات التحقيق كالآتي:
س: ما هي صلتك بالمجني عليه صابر علاء صابر تحديدا؟
ج: أنا أبوه.
س: هل أبصرت واقعة التعدي على نجلك؟
ج: لا أنا كنت في البيت والناس كلمتني قالت لى الحق ابنك واقع في الشارع، فنزلت رحت لقيته مرمى في الشارع وقاطع النفس، والإسعاف جت وقالت لنا إنه مات، وعرفت من الناس إن مصطفى بتاع العيش هو اللى ضربه بالمطواة.
س: ما معلوماتك بشأن الواقعة محل التحقيقات؟
ج: اللي حصل إن كان فيه مشكلة حصلت بين ابني ومصطفى بتاع العيش من شهر أبريل اللي فات، وخلصنا المشكلة واتصالحنا، والنهارده عرفت إن مصطفى ضرب ابني بالمطواة موته، بس معرفش هو عمل كده ليه.
س: متى وأين حدث ذلك؟
ج: المشكلة كانت في شهر 4 اللي فات، والنهارده حوالي الساعة 10 صباحا الناس كلمتني وقالت لي إن ابني مضروب وواقع في الشارع بعين شمس.
س: ما هي صلتك بالمتهم "مصطفى أ."؟
ج: هو بيقف على فرشه عيش في الشارع.
س: هل من ثمة خلافات سابقة بين المتهم مصطفى أحمد عبد الستار وبين نجلك المتوفى إلى رحمة مولاه؟
ج: ما فيش غير المشكلة اللي كانت حصلت بينهم في شهر 4 اللي فات.
س: وهل وما هي طبيعتها؟
ج: هو ابني صابر كان بيهزر مع ابن مصطفى، فراح مصطفى مسكه وضربه بالقلم وهو ماشي مع أمه وشتم مراتي، وبعد كده اتصالحنا، وخلصت المشكلة.
قاتل ضحية عين شمس: استفزني وندمان على قتله
وكان المتهم أقر أمام جهات التحقيق بوجود خلافات سابقة بينهما، وأنه تم التصالح، ولكن المجني عليه كان مصرا على استفزازه، وأنه يوم الجريمة "كان معدي هو واتنين أصحابه من قدام الفرش، وشتموني ومشيوا، فأنا رحت للناس اللي صابر شغال معاهم علشان أشتكي لهم، بس وانا راجع قابلتهم تاني بالصدفة، وحصل اللي حصل".
وتابع "كان معايا مطوة قرن غزال اشتريتها من واحد من حوالى سنتين، والمطوة بتبقى معايا بس وانا شغال على الفرش؛ علشان بيبقى معايا فلوس الشغل وباخاف حد يسبتني".
واختتم بقوله أمام جهات التحقيق "كنت عايز أهوشه علشان لقيت الواد اللي كان ماشي معاه بيعمل إنه بيطلع حاجة من جنبه علشان هو وقف قدامي، وفضل يشتمنى، وأول ما شفته هو والاتنين اللى معاه، ولقيت صاحبه بيطلع حاجة من جنبه، رحت مطلع المطوة، ومسكت صابر وقعدت أقول له عيب اللي انت بتعمله معايا. أنا زى ابوك وما ينفعش تشتمنى في الرايحة والجايو، فبرضه فضل يشتمني، فأنا قعدت أضربه بضهر المطوة على دماغه علشان أخوفه، راح عاضضنى من صدري، فأنا فضلت أضربه في بطنه علشان يسيبني وقتلته وندمان عليه".
تابع أحدث الأخبار عبر
