"بنعمل فرح لما بيجيبلنا غدا".. سعاد: بيعايرني أنا والعيال باللقمة اللي بيطفحالنا
حياة صعبة تعيش فيها سعاد مع زوج يستخسر بها الطعام هي وأولادها، بذلت مجهود كبير في هذه العلاقة على أمل تغيير الزوج ولكنه مصر على بخله الذي سئمت منه، فكانت النهاية المتوقعة لهذه الحياة هو الانفصال إكرامًا لها هي وأولادها من خلال دعوى خلع أقامتها في محكمة الأسرة.
"ذاللني أنا والعيال على اللقمة اللي بيطفحالهنا أنا والعيال" بهذه الكلمات القاسية قررت أن تبدأ الزوجة حديثها لـ "الحادثة" لتؤكد على مدى صعوبة الحياة التي تعيشها مع زوجها، تابعت قائلة: "مش عارفة اتصرف معاه إزاي مش عايز يديني أي فلوس أجيب بيها أكل ليا أنا والعيال، كل يوم نتخانق على الموضوع دا، وهو معندهوش دم وعادي عنده أصلا العيال تنام من غير أكل".
بيعايرني باللقمة اللي بيجيبهالي
سئمت الزوجة من تكرار طلبها لجلب قوت يومها هي والأولاد من زوج عديم الإحساس لا يهمه أولاده، وعندما أدركت أنه لا جدوى من محاولاتها معه، عزمت على الانفصال وترك هذه الحياة الذليلة التي تعاني منها هي وأولادها، تابعت: "لو جابلنا غدا في يوم بيقعد عليها أسبوع عشان يجيب لنا أكل تاني، لما بينزل من غير مصاريف واتصل أقوله مسيبتش فلوس ليه أجيب أكل للعيال يقول لي مش انا جايبلكوا غدا امبارح، بيعايرني باللقمة اللي بيأكهالي أنا والعيال"، اتخانقنا كتير وكلمته براحة كتير وهو برضو مش فارق معاه حاجة".
رفع دعوى خلع
أسرعت سعاد نحو محكمة الاسرة تطلب الخلع من زوجها عديم الإحساس بعدما عانت معه لـ 10 سنوات بالكامل بسبب بخله عليها الذي يزداد يوم بعد يوم، استكملت قصتها: "تعبت معاه ومن الجوع اللي معيشني فيه أنا والعيال، دا حتى لما ربنا بيكرمه ويجيب لنا غدا بيذلني أنا والعيال باليوم دا، بيصعب عليا العيال وهما كل يوم يجو يقولوا لي جعانين وأنا مش عارفة أعملهم حاجة وأبوهم ومعندهوش دم"، شعرت أنها اتخذت القرار الصحيح عندما توجهت لمحكمة الاسرة طالبة الخلع من حياتها الزوجية التعيسة.
تابع أحدث الأخبار عبر
