وفاء: حماتي خبت ضرتي في الدولاب عشان معرفش إنه متجوز عليا
قضية طلاق لجأت إليها "وفاء" بعد ما أدركت استحالة العيش مع زوج خائن اخفى عليها زواجه لأكثر من 5 سنوات وكانت الطريقة التي اكتشفت بها هو عندما جاءت زوجته الثانية زيارته للمنزل وهو مريض وكانت حماتها تتستر عليها، توجهت الزوجة لـ محكمة الاسرة على الفور لرفع قضية طلاق ضد زوجها الخائن.
"مستغفلني بقاله خمس سنين وأنا نايمة على وداني" هكذا بدأت وفاء حديثها مؤكدة على أنه ظنت أن حياتها تستمر مستقرة دون مشكلات ولكن الحقيقة الذي اكتشفتها نفت كل هذا بعدما حاوطت المشكلات منزل الزوجية، تابعت: "حياتنا كانت ماشية تمام من غير أي مشاكل ومفيش أي حاجة، حتى احنا كنا متفاهمين ولما كان بيحصل أي حاجة كنا بلم الموضوع من غير ما المشاكل تزيد".
الدولاب كشف لي كل حاجة
فجأة تغير كل هذا الاستقرار في غمضة عين بعد ما اكتشفت أنه يخونها وتزوج من أخرى منذ خمس سنوات بالكامل دون علمها، وجاء اليوم لتكتشف خياناته بالصدفة الباحتة التي كانت السبب في إقامتها لـ قضية طلاق، ما زالت الزوجة تروي باقي قصتها قائلة: "رجله اتكسرت في يوم وهو نازل من على السلم وكنا قاعدين تحت عند مامته عشان الناس اللي بتيجي وكدا، المهم كنت بطلع ارق شقتي واشوف العيال عايزين حاجة و لا لا وانزل اقعد معاه عشان الناس اللي جناية تزوره"، أضافت وفاء: "في يوم نزلت لاحظت إنهم كلهم متغيرين وزي ما يكونا في حاجة بس أنا مكنتش فاهمة إيه اللي بيحصل، بس واحنا قاعدين سمعت صوت كدا فبشوف إيه الصوت دا لقيت في حاجة في الدولاب ولما فتحته لقيت واحدة مستخبية فيه طلعت دي مراته التانية اللي متجوزها بقاله خمس سنين وأنا معرفش".
رفع قضية طلاق
فكانت المفاجأة الكبرى أنها زوجته الثانية وجاءت لرؤيته وحاولوا إخفاءه ولكن صوت حركتها كشف كل اشيء، تختتم وفاء رواياتها والصدمة تعتري وجهها قائلة: "وأمه كانت عارفة وهي اللي مخبياها في الدولاب عشان مشوفهاش، بس ربنا كشف لي كل حاجة من غير أي مجهود مني، حمدت ربنا أني عرفت الحقيقة أحسن ما ابقى مغفلة كدا كتير ورفعت عليه قضية طلاق بقالي 6 شهور ولسة الإجراءات شغالة".
تابع أحدث الأخبار عبر
