رانيا بدعوى نفقة: عنده عمارتين وفلوس بالكوم ومستخسر يصرف جنيه على علاج ابنه
لم تتحمل رانيا سوى 6 شهور فقط في عش الزوجية، على الرغم من أنها فترة قليلة إلا انها شعرت بتعاسة امرأة ستينية مرت بصعوبات كثيرة، فكان اختيار الانفصال حتمى بالنسبة لها بعد ما فشلت كل محاولات الأهل الذين حاولوا إقناعها بالتراجع عن قرارها، بعد إتمام الطلاق ظنت أنها تكون وسيلة لإنهاء كل المشكلات بينهما ولكن في الحقيقة أنها كانت بداية لمشكلات أكبر.
هربت من أول 6 شهور
أصرت الزوجة على إتمام الطلاق في الشهور الأولى من الزواج لأنها أرادت أن تعيش حياة يملأها سعادة غامرة ليس تعاسة تعكر عليها مزاجها، بدأت الزوجة حديثها قائلة: "من أول أسبوع في الجواز واحنا مبنعملش حاجة غير إننا بنتخانق، حاولت استحمل واصبر واعدي عشان امشي الدنيا وأحافظ على البيت بس للأسف مقدرتش استحمل بخله وقرفه أكتر من 6 شهور وقررت اتطلق، اهلي حاولوا يقنعوا فيا إن مطلقش عشان كنت حامل بس أنا صممت اتطلقنا فعلا"، تابعت: "كنت فاكرة إن المشاكل كلها هتتحل لما اتطلق خلاص بس الحقيقة إن المشاكل بدأت تكبر بينا من ساعة ما اتطلقت وبسبب إنه مش عايز يصرف جنيه على ابنه المريض فرفعت عليه قضية نفقة"
عنده عمارتين وبخيل على ابنه المريض
ظنت أن الأمور تتحسن بعد الانفصال ولكن في الحقيقة أن الأمور ازدادت تعقيدًا واضطرت لمعرفة طريق محكمة الاسرة لأخذ حق ابنها بسبب طليقها الذي يرفض إنفاق مليمًا واحدًا على علاج ابنه ما جعلها تقصد طريق المحاكم لعلها تنقذها من معاناتها معه، أضافت الزوجة إلى حديثها: "خلفت وطلع ابني معاق بعالجه وبيحتاج مصاريف كتير أوي للعلاج، وهو ميعرفش حاجة عنه وكل ما اجي أطلب منه فلوس يقول لي لا مش دافع حاجة، رفعت قضية نفقة الأول واتحكم لي بـ 500 جنيه بس، وكل ما أجي اطلب منه فلوس بقا لمصاريف علاج ابني بيرفض، لحد ما زهقت ورفعت عليه قضية مصاريف علاج"، تسكمل رواياتها لقاضي المحكمة قائلة: "عنده عمارتين معاه فلوس يصرف كويس على علاج ابنه من غير ما أطلب أصلا بس هو مش راضي، عشان كدا رفعت عليه قضية مصاريف علاج عشان تساعدني علي مصاريف علاج ابني اللي مش عارفة اجيب فلوسها منين".
تابع أحدث الأخبار عبر
