«مبنشفش منه جنيه».. إسراء بدعوى نفقة: ملوش لازمة وأمي اللي بتصرف علينا
بحثت “إسراء” عن العوض والسند الذي يشاركها حياتها، ظنت في البداية انها وجدته عندما تعرفت على جارها، كما رسمت حياة وردية تعيشها معه في عش زوجية مستقر وسعيد ولكن دائمًا على الواقع كل شيء يختلف، ووجدت شيء أخر غير الذي رسمته في خيالها، زوج أناني لا يريد الإنفاق عليها ولا على أولاده، وبعد سنوات على هذا الحال قررت رفع دعوى نفقة حتى تاخذ حقها وحق أولادها.
"ملهوش لازمة في البيت ومش راضي يصرف علينا خالص"، كانت هذه الكلمات الأولى الذي بدأت بها الزوجة حديثها مؤكدة على معاناتها التي تعيشها من بداية الزواج مع زوج لا يريد الإنفاق عليها، تكمل حديثها: "في الأول واحنا مخطوبين كان معاملته معايا كويسة جدًا وبيصرف عادي ومكنش بخيل خالص، وطول فترة الخطوبة مكنش في مشاكل تقريبًا خالص وكنا مبسوطين وكنت شايفة إنه هيبقى زوج صالح جدًا".
باخد مصروف البيت من ماما
ظنت أن الذي رأته منه خلال فترة الخطوبة يكون مثال لشكل حياتهما بعد الزواج ولكن في الحقيقة كل التوقعات بأت بالفشل عندما رأت شخص أخر غير الذي كان في الخطوبة، تضيف لحديثها: "كنت فاكرة حياتنا بعد الجواز هتبقى زي الخطوبة كدا، مكنش فيها مشاكل ولا أي حاجة، بس كنت غلطانة لأن من ساعة ما اتجوزنا واحنا حياتنا كلها مشاكل بسبب إنه مش راضي يصرف عليا"، تابعت إسراء: "في الأول لما كنت بروح عند ماما وأقولها مش راضي يصرف عليا كانت بتديني مصروف أمشي بيه حالي لحد ما اجيلها تاني، كذا مرة كنت ببقى عايزة اتطلق بس هي كانت بتقول لي دايمًا بلاش حافظي على بيتك".
معندوش دم ومش عايز يصرف علينا جنيه
صبرت الزوجة على أمل أنه يتغير بعد إنجاب الأطفال ولكن في الحقيقة أن الأمور أصبحا أسوأ من قبل، بسبب إهماله لأولاده وتركهم دون مصروفات، تستكمل قائلة: "قبل ما اخلف كانت ماما بتديني مصرف أمشي بيه نفسي بس لما خلفت مصاريف العيال كترت وهولا هنا مش فارق معاه عياله يأكلوا ولا لا، كنت فاكرة لما أخلف هيتعدل ومعاملته هتتغير عشان العيال"، أضافت: "لقيته مش فارق معاه أصلا العيال ولا هما جعانين ولا لا، خدت العيال ورفعت عليه قضية نفقة قلت يمكن تجيب معاه نتيجة ولسة ماشي في الإجراءات أهو".
تابع أحدث الأخبار عبر
