مايتعاشرش.. هبة تطلب الطلاق أمام المحكمة: "بخيل في فلوسه ومشاعره"
سنوات كثيرة عاشتها "هبة " مع زوجها وهي تعاني فيها من بخل شديد بسبب زوجها، الذي لا يريد أن ينفق جنيهًا واحدًا عليها هي وأولادها، صبرت لعله يجد في أمرها شيء ولكن كان بخله يتمادى مع مرور الوقت.
فكرت الزوجة مرات عديدة في طلب الطلاق والتحرر من حياتها التعيسة التي ملك لزوجها ويتحكم هو في كل شيء دون ان يلتفت لها هي والأولاد، ولكنها صبرت لعل الأمور تتغير وتتحول حياتها للأحسن، تستهل حديثها وتقول: "مش عايز يصرف على العيال وكل ما أجي أطلب منه فلوس يقول لي عايزاها في إيه، وتحصل خناقة كبيرة، وكل الخناقات اللي بينا تقريبًا بسبب بخله"، أضافت: "مش بخيل في الفلوس بس دا بخيل في كل حاجة حتى مشاعره، ولا عمره قال لي كلمة حلوة أول كلم العيال بأسلوب كويس، على طول بيكلمهم بالشتيمة وقلة الأدب معندوش غير كدا".
اشتغلت وأنا اللي بصرف على البيت لوحدي
لم تقدر الزوجة على اتخاذ خطوة الانفصال لأنها لا تمتلك عمل تنفق منه على أولادها، ما جعلها تبحث عن العمل حتي تتمكن من طلب الطلاق والتحرر من حياتها التعيسة، تابعت هبة: "مستحملة معاملته والحياة اللي أنا مش عارفة أعيش فيها دي عشان خاطر العيال وعشان معنديش أي دخل اصرف منه، نزلت دورت على شغل واشتغلت وبقيت أنا اللي بصرف على البيت، والمصروف القليل اللي كان بيسيبهولي مبقاش يسيبه"، استكملت: "كل ما أجي أطلب منه فلوس يقول لي مش انتي بتصرفي بتشتغلي ومعاكي فلوس اصرفي انتي، فضلنا كدا أنا لوحدي اللي بصرف علي العيال وعليه وهو جبلة".
إقامة دعوى طلاق
كانت فكرة الانفصال تراودها من حين لآخر، ولكنها أقدمت على اتخاذ الخطوة بقلب جامد، بعد ما تأكدت أنه لن يتغير أي شيء في حياتها إلا باتخاذ هذه الخطوة، أضافت إلى حديثها: "كل مرة كنت بفكر فيها في الطلاق كنت بقول بلاش بس بما إني أنا اللي بقيت مسئولة على البيت وخلاص بقا عندي دخل مستقل بعيد عنه، رفعت قضية طلاق عشان مرضاش يطلقني وخدت العيال وروحنا شقة إيجار عشان نبعد عنه خالص".
تابع أحدث الأخبار عبر
