2 مليون وحدة شاغرة.. الرئيس السيسي: "لازم موضوع الإيجار القديم ده ينتهي"
قال الرئيس عبد الفتاح السيسي، خلال مؤتمر حكاية وطن إننا نحتاج إلى قانون حاسم في أزمة الايجار القديم، مضيفًا : «الناس اللي عملت المكتسبات من وراء الحكاية دي الله يرحمهم ماتوا من زمان».
الرئيس السيسي: "لازم موضوع الإيجار القديم ده ينتهي"
جاء ذلك تعقيبا على 2 مليون وحدة سكنية الشاغرة التي تحدث عنها الدكتور عاصم الجزار وزير الإسكان، وقال السيسي: «أنا بكلم أعضاء البرلمان ما لم يكون فيه قانون يخلي الناس تنسى ثقافة الخوف على الوحدة اللي ممكن تديها لحد هتبقى الفكرة غير قابلة للنجاح، لأن اتشكل ثقافة الخوف علي الوحدة السكنية بسبب المحامين والقوانين والقضاء كانت بتقف عقبة عدم اطمئنان لصاحب الشقة أو البيت وبالتالي هو يفضل لا يبيعها أو يقفلها وميأجرهاش خوفًا من عدم استعادتها أو عدم حصوله علي الإيجار، يبقى لازم يبقى فيه قانون قوي حاسم وسريع حتى لا نفقد الـ2 مليون شقة الشاغرة اللي قيمتهم حوالي تريليون جنيه لو الشقة بـ500 ألف جنيه».
وأضاف الرئيس السيسي: «مش عايزين نفقد الفلوس دي ولا نفقد التسهيل للناس توفير الشقق، لازم النقطة يتم نقاشها بشكل كويس بما فيهم أعضاء الحوار الوطني لإن بيجي يقولوا تعالوا نخش نعمل نقاش في تغيير العلاقة ما بين المالك والمستأجر في الإيجارات القديمة يقوم الناس يقولك دي مكتسبات اوعى تقرب يا حبيبي الناس اللي عملت المكتسبات دي الله يرحمهم ماتوا من زمان واللي موجود دلوقتي أحفادهم طيب هما كانوا يشكلوا قد ايه في الكتلة السكانية اللي اتنفذ فيها القانون من 1962 مينفعش يستفادوا من الموضوع ده لمدى الحياة ولا لازم موضوع الايجار القديم ده ينتهي».
وشدد الرئيس السيسي: «أنا بقرأ في الجرايد واسمع يقولك مكتسبات والناس غلابة يا راجل ده الناس ماتت واللي بعدهم ماتوا ولسه أنت ماسك في الموضوع، طيب حد يجيب مناقشة في الموضوع في البرلمان أو علي القنوات الحوارية، اللي انت عملته شكل عقبة حقيقية أمام استغلال 2 مليون وحدة قيمتهم تريليون جنيه طيب ده حرام إننا نفقد القيمة دي، ونسيب الشقق دي مقفولة».
تابع أحدث الأخبار عبر
