قطع يد سيدة وحاول قتل ابنها.. المشدد 15 سنة لـ«بلطجي دمياط»
عاقبت محكمة الجنايات المختصة، في القضية المعروفة إعلاميًا بـ«بلطجي دمياط»، المتهم "إب . ا"، بالسجن المشدد 15 سنة، بتهمة قطع يد سيدة وإصابة نجلها، والشروع في قتلها بمنطقة كفر البطيخ بمحافظة دمياط.
كان المستشار حمادة الصاوي، النائب العام، أمر بإحالة المتهم "إ. ا" الشهير بـ«بلطجي دمياط»، إلى محكمة الجنايات المختصة، لمعاقبته فيما اتهم به من استعراض القوة، والتلويح بالعنف والتهديد، واستخدامها ضد سيدة ونجلها بكفر البطيخ.
«بلطجي دمياط» أمام جهات التحقيق
قال المتهم إبراهيم الخياط، المشهور بـ«بلطجي دمياط» في التحقيقات: “اللي حصل إن أنا كنت قاعد في الورشة بتاعتي اللي في بيتي، وبعدين ببص لقيت محمد.م شبانة دخل عليا وبيتهجم عليا في الورشة بتاعتي، وكان معاه سكينة حاططها في الجاكت، وكانت أمي قاعدة على باسطة البيت، وقومت جايب خشبة وخرجت ليه من الورشة بتاعتي”.
تابع «بلطجي دمياط» قائلا: "وبعدين مسكت فيه وقعدنا نضرب في بعض، وأنا ضربته بالخشبة في كل حتة أطوله منها، وبعدين الناس اتلمت وحاشونا، وببص لقيت والدته دخلت عليا وكانت معاها سكينة وكانت عاوزه تعورني بيها، وأنا خبطتها بالخشبة على إيديها والناس حاشونا، وكانت مشكلة كبيرة والدنيا اتقلبت والمركز لقيتهم جايين وأخدوني على مركز كفر البطيخ، وهو ده كل اللي حصل".
تابع أحدث الأخبار عبر
