حنان بمحكمة الأسرة: "مرات أخويا بتفتري علينا بعد ما شيلناها هي وعيالها"
جاءت "حنان" لمحكمة الأسرة لتفهم أكثر عن القضية التي رفعتها مرات الأخ عليهم بحجة أنهم لا ينفقون على أولاده رغم رعايتهم لأولاد شقيقها منذ وفاته، وإعطاء زوجته مصروف شهري، لتتفاجأ بدعوى نفقة رفعتها الزوجة عليهم بحجة إنهم لا يعرفون أي شيء عن الأولاد ولا يريدون الإنفاق عليهم.
بنصرف على عيال أخويا من ساعة ما توفى
"مش فاهمة حاجة وجاية أفهم إيه اللي بيحصل من المحكمة عشان عرفنا إن مرات اخونا رافعة علي أخويا التاني قضية نفقة وبتقول إننا مبنصرفش عليها حاجة هي والعيال"، بهذه كلمات حنان الأولى من أمام محكمة الأسرة وهي لا تعرف شيء عن القضية المرفوعة على شقيقها.
وأكملت تفاصيل القصة لـ "الحادثة" قائلة: "أخويا كان متجوز واتوفى بقاله سنة ونص ومن ساعة ما توفى واحنا شايلين عياله ومراته وبنعاملهم بما يرضي الله وأي مصاريف بيطلبوها أنا واخواتي التانين بنديهالهم حتى لو مبيطلبوش أخويا الكبير عاملهم مصروف شهري".
بتفتري علينا وبتقول إننا مبنصرفش عليها
بعد سنة ونصف تراعي عائلة المرحوم زوجته وأولاده الثلاثة بكل رضا بدون أي كلل أو ملل، تفاجأت عائلة الزوج بقضية النفقة التي رفعتها الزوجة عليهم مدعية أنهم لا ينفقون عليها هي وأولادها.
واسترجعت حنان معاملتها هي وأهلها مع زوجة شقيقها المتوفي قائلة: "مكناش بنخلي العيال عايزين حاجة وأي مصاريف للعيال كنا بنبعتها وأي عيد كان أخويا بيجيب اللبس للعيال، واحنا كنا بنعاملها زي اختنا، وفجأة عرفنا بالقضية اللي رفعتها واحنا مش فاهمين عملت كدا ليه واحن مكناش مقصرين معها في أي حاجة".
دعوى نفقة في محكمة الأسرة
توجهت الزوجة لرفع دعوى نفقة على شقيق زوجها المتوفي من اجل رغبتها في زيادة المصروفات التي تأخذها من أهل زوجها، وأنهت العمة القصة بهذه الكلمات: "كانت تقول إنها عايزه فلوس زيادة إيه لازمتها المحاكم، جاين أهو أول جلسة النهاردة عشان نفهم الموضوع أكتر، حسبي الله ونعم الوكيل فيها"، رفعت الزوجة دعوى النفقة منذ أسبوعان ولا تزال القضية منظورة في محكمة الأسرة بالجيزة.
تابع أحدث الأخبار عبر
