«فشلت في إرضائها».. ياسمين في دعوى الطلاق: "أمه متسلطة وبتسرق أكل العيال"
حياة زوجية لا تشعر فيها "ياسمين" بأي خصوصية بسبب تدخل أهل الزوج المستمر في أمورهما الشخصية بدون مبرر، وبطريقة مبالغ فيها، ما جعلها تفقد قدرتها على تحمل العيش بهذه الطريقة، لذا لجأت لرفع دعوى الطلاق بعد كل محاولاتها الفاشلة في إرضاء حماتها.
من المتعارف عليه أن من أهم أسباب استمرار الزواج بين أي زوجين هو عدم تدخل أي طرف أخر في حياتهما لأن تكون النتيجة في النهاية غير مرضية للطرفين، مثلما رأت “ياسمين” أن الانفصال ولجوءها لدعوى الطلاق هو الحل الأمثل لحياتها التي لا تشعر فيها بأي خصوصية.
من أول الجواز وأمه بتتدخل في حياتنا
بدأت الزوجة تشعر بتدخل حماتها في حياتها الزوجية من الشهر الأول في الزواج ولكنها كانت لا تهتم لأمرها ووجهت كل اهتمامها نحو بيتها وزوجها ولكن لاحظت ان التدخل يزداد مع مرور الوقت، مضيفة: "من أول شهر ولاحظت إن أمه عايزة تسيطر على حاجة وكلمتها هي اللي تمشي، بس مكنتش بهتم بس لقيت الموضوع زاد وبقت تقول لجوزي نعمل ايه ومنعملش ايه".
أضافت في دعوى الطلاق: "بقيت اضايق طبعا بس حاولت اخليها تحبني عشان تخف تتدخل بيني وبين جوزي وبقيت اجبلها هدايا واسمع كلامها واعملها كل اللي هي عايزاه بس برضوا مفيش فايدة لسه زي ما هي".
بتاخد الأكل اللي جوزي بيجيبه للعيال
نشبت خلافات كثيرة بينهما ولكن الزوجة كانت تحاول مسايرة الأمور مع حماتها ولكن بعد 10 سنوات أدركت أن الانفصال هو الحل الوحيد لكي تعيش حياة خاصة.
أكملت ياسمين: "عديت كتير من أول الجواز وكل خناقة كنت بقول بلاش الطلاق عشان العيال بس خلاص جبت أخرى، ومبقتش حاسة ان حياتي انا اللي بقرر فيها، دا وصلت لدرجة إنها لو شافت جوزي بأكل لينا تاخده منه عشان ميديهوش ليا"، قررت ياسمين الانفصال بسبب رغبتها في العيش مع زوج في حياة زوجية خاصة بينهما دون تدخل أي شخص أخر ما دفعها تلجأ لرفع دعوى الطلاق.
تابع أحدث الأخبار عبر
