زوجة عنتيل مدينة نصر تكشف لـ الحادثة تفاصيل وقائع التحرش بالستات| فيديو

لا تزال قضية عنتيل مدينة نصر، حديث الساعة، خاصة بعد أن كشفت زوجة الصيدلي خالد توفيق الغزالي المعروف إعلاميًا بالصيدلي عنتيل مدينة نصر، عن جريمة أخلاقية شهدتها إحدى الصيدليات بقيام الصيدلي العنتيل بالتحرش وهتك عرض الفتيات.

زوجة عنتيل مدينة نصر

وأجرى موقع الحادثة لقاءً خاصًا مع زوجة عنتيل مدينة نصر، في أول ظهور لها على منصات الإعلام، والذي كشفت خلاله تفاصيل خاصة عن واقعة انكشاف خديعة زوجها والذي عرف بالتدين الظاهري بين الناس. 

وقالت زوجة عنتيل مدينة نصر:« فيه هارد بنحمل عليه أفلام وهو كان عنده هارد تاني شبهه فنسيه على الكمود، أخدت الهارد عشان أشوف الأفلام اللي عليه لكن فوجئت بمحتواه، أغلبه مقفول بباسورد ما عدا كام فايل، سماهم بأسماء ستات ومنه فيل باسم منى الصغيرة، ولما شفتهم فوجئت بستات بيديهم حقن بعدها بيتحرش بيهم، وفيه أطفال بيكشف عليهم بسماعة، وبعدها بيتحرش بيهم».

تابعت: «الموضوع من نوفمبر 2021، واجهته وقالي لو عملتي حاجة عيالك هم اللي يتأذوا ومش هيعرفوا يمشوا بين الناس، فرديت عليه وقلت مش هسيب حقي ولا حق الناس دي، فسبت البيت ومشيت مع بنتي، وقلت لابني اهتم بدراستك وهفهمك بعدين لأنه كان في ثالثة ثانوي».

أضافت:« توجهت لمحكمة الأسرة وطلبت طلاق للضرر، في ديسمبر 2021، وفهمت القاضي بما حدث وإن يكون الجلسة سرية، واستجاب وسلمته صور ضوئية من الفلاشة، فالمحامي الحاضر عنه لم يستطع التأكيد من عدمه، لكن حينما حضر وسأله القاضي أنكر، فجت لجنة ثلاثية من الإذاعة والتليفزيون وتأكدت من صحة الفيديوهات وصدر التقرير بشأنها». 

ضحايا عنتيل مدينة نصر

وفي وقتٍ سابق التقى موقع الحادثة المحامية دعاء عباس دفاع ضحايا الصيدلي خالد محمد توفيق، المعروف إعلاميًا بـ عنتيل مدينة نصر، والتي كشفت عن مفاجآت تعرض لأول مرة منذ اكتشاف وقائع هتك العرض والتحرش بالسيدات والفتيات داخل إحدى الصيدليات بمدينة نصر.

حيث وجهت محامية ضحايا عنتيل مدينة نصر رسالة للأهالي ممن تعرضوا للتحرش أو المحاولة، قائلة: «واجبكم أن تتقدموا للنيابة العامة وخدوا حقوقكم التعويضية منه ده حقكم أي حد من الأهالي عنده معلومة وعايز يتقدم للنياية العامة هي النيابة العامة قسم مدينه نصر مفتش المباحث (علي فيصل) هو هيوصلكم للنيابة العامة والمعلومات كلها هتكون بسرية تامة ده واجبكم الإنساني وحقكم، لينال عقوبته وميتكررش اللي حصل تاني».

وكشفت محامية ضحايا عنتيل مدينة نصر، أن تحرك الزوجة بشأن وقائع المراهقات والأطفال حدث من خلال بلاغ لخط النجدة الطفل والمجلس القومي للأمومة والطفولة، وبدوره تقدم المجلس ببلاغ للنائب العام، وظن المتهم أنه يقف على أرض صلبة ولن يقدر عليه أحد، فتعدى بالضرب على زوجته أكثر من مرة.

تابعت:"عاوزه أقول للي بيقول كنا سترنا عليه دي لو بنتك حضرتك كنت هتستر عليه، إذا كان هو مسترش نفسو ولا ستر الضحايا وكان بيصورهم"، مستبعدة أن يكون مريضًا نفسيًا كما يزعم، حيث قالت: "حصل مواجهة لكنه حافظ الكلام اللي يقوله هيطلعه من العقوبة هو مش مريض نفسي زي ما بيقول مفيش مريض نفسي بيعمل كدة"

وأضافت: "سلوكه قدام الناس كان متدين ورجل البر والتقوى ولو كان حد قال عليه حاجة من غير الفيديوهات دي مكنش حد هيصدق، عنده علامة الصلاة راجل منضبط وملبس مراته النقاب".

تابع أحدث الأخبار عبر