سمعته خلت رجالة تمنع ستاتها تروح.. ماذا قالت محامية ضحايا عنتيل مدينة نصر؟
التقى موقع الحادثة المحامية دعاء عباس دفاع ضحايا الصيدلي خالد محمد توفيق، المعروف إعلاميًا بـ عنتيل مدينة نصر، والتي كشفت عن مفاجآت تعرض لأول مرة منذ اكتشاف وقائع هتك العرض والتحرش بالسيدات والفتيات داخل إحدى الصيدليات بمدينة نصر.
ماذا قالت محامية ضحايا عنتيل مدينة نصر؟
في البداية كشفت محامية ضحايا عنتيل مدينة نصر، أن تحرك الزوجة بشأن وقائع المراهقات والأطفال حدث من خلال بلاغ لخط النجدة الطفل والمجلس القومي للأمومة والطفولة، وبدوره تقدم المجلس ببلاغ للنائب العام، وظن المتهم أنه يقف على أرض صلبة ولن يقدر عليه أحد، فتعدى بالضرب على زوجته أكثر من مرة.
تابعت:"عاوزه أقول للي بيقول كنا سترنا عليه دي لو بنتك حضرتك كنت هتستر عليه، إذا كان هو مسترش نفسو ولا ستر الضحايا وكان بيصورهم"، مستبعدة أن يكون مريضًا نفسيًا كما يزعم، حيث قالت: "حصل مواجهة لكنه حافظ الكلام اللي يقوله هيطلعه من العقوبة هو مش مريض نفسي زي ما بيقول مفيش مريض نفسي بيعمل كدة"
وأضافت: "سلوكه قدام الناس كان متدين ورجل البر والتقوى ولو كان حد قال عليه حاجة من غير الفيديوهات دي مكنش حد هيصدق، عنده علامة الصلاة راجل منضبط وملبس مراته النقاب".
وقائع هتك عرض الأطفال
وحول وقائع هتك عرض الأطفال قالت: "هو ارتكب جرائم هتك اعراض الأطفال، تحرش بيهم وخطفهم وظرف مشدد آخر هو إنهم تحت 18 سنة، وفي طفلة اتعرضت وباين ده في الكاميرا إنها داخله من باب الصيدلية على المكان الخلفي للصيدلية وده بيدل انه معودها على كده".
تابعت: "كل الأطفال دول محتاجين تأهيل نفسي ومش هيقدروا يتعايشوا مع المجتمع، لازم بتعملهم تاهيل نفسي مكثف لمحو ذاكرة اللي حصل معاهم وهما صغيرين عشان يبقوا طبيعيين وسويين تاني حتى لا يتحول عندهم لعنف بعدين او يوْدي بهم الامر للانتحار".
كيف أوقعتم بـ عنتيل مدينة نصر؟
"قبل ما يتقبض عليه كان في خطه محكمه عشان ميهربش زي واقعه طفله المعادي، غير الفلاشة اللي معانا هو معاه هاردات تانية عليها فيديوهات أخرى حاليا في النيابة "
" اللي كان يهمنا إنه يتم الإيقاع به أولً،ا المحضر اتعمل وقابلت قيادات أمنية منهم مفتش مباحث القاهرة الجديدة، ومفتش مباحث مدينه نصر، كان في تعاون و تحرك على اعلى مستوى من القيادات الأمنية، انا عملت محضر في قسم مدينة نصر تاني يوم على طول رئيس النيابة (محمد بيه جاويش ) تواصل معايا من خلال سكرتير التحقيق عشان احضر واقدم اقوالي ، كنا عايزين نحجم الجرائم بتاعته وتم صدار امر الضبط والاحضار "
" الصيدلية اتفتحت من 13 سنه لكن سمعته اتعرفت في المنطقة لأن في ستات بتقاومه فبدا الرجالة يمنعوا زوجاتهم إنهم يدخلوا الصيدلية دي المعلومه المؤكدة إن الناس كلهم قاطعوا الصيدلية، والمتهم نفسه منع مراته إنها تشتغل معاه في الصيدلية عشان يكون المجال مفتوح له يعمل اللي هو عايزه، ولما حصلت المواجهة بينه و بين زوجته خاف انها تفضحه في المنطقة فباع الصيدلية قبل القبض عليه "
ماذا عن رسالتك لأهالي ضحايا عنتيل مدينة نصر؟
اختتمت قائلة:"رسالة لأهالي الضحايا سواء تعرضوا للتحرش أو محاولة واجبكم أن تتقدموا للنيابة العامة وخدوا حقوقكم التعويضية منه ده حقكم أي حد من الأهالي عنده معلومة وعايز يتقدم للنياية العامة هي النيابة العامة قسم مدينه نصر مفتش المباحث (علي فيصل) هو هيوصلكم للنيابة العامة والمعلومات كلها هتكون بسرية تامة ده واجبكم الإنساني وحقكم، لينال عقوبته وميتكررش اللي حصل تاني".
تابع أحدث الأخبار عبر
