أكبر الناجيات من مذبحة كفر غطاطي: أمي وقفت معاه على الحلوة والمره والآخر قتلها| خاص

تطورات جديدة في مذبحة كفر غطاطي، ينفرد بها موقع الحادثة من خلال لقاء أجراه مع ملك أكبر الناجيات من مذبحة الهرم، والتي تورط فيها والدها، وأسفرت عن مقتل والدتها وأختها الصغرى.

أكبر الناجيات من مذبحة كفر غطاطي

وقالت ملك الناجية من مذبحة كفر غطاطي في تصريحات اختصت بها موقع الحادثة: «علاقة أبويا بأمي كانت وحشة، كان دايمًا يشتمها ويضربها ومكنش بيعاملها بأسلوب كويس لأنه كان مبيحبهاش، رغم إنها كانت كويسه معاه وبتحبه وواقفة معاه على الحلوة والمرة وفي الآخر موتها».

 وتابعت أكبر الناجيات من مذبحة كفر غطاطي: «كانت بتحبه وبتعزه لكنه معملش بالحب ده هو عمل كتير معاها، كانت ممكن في كل مرة مترجعلوش  بس بترجع ويتستحمل عشانا».

ملك ضحية مذبحة كفر غطاطي

وتابعت إحدى الناجيات من مذبحة كفر غطاطي: «كان بيشتمنا لكن مبيضربش حد فينا، كان متعلق بأختي الصغيرة مش عارفة ازاي جاله قلب إنه يعمل فينا كده، أختي الصغيرة مذنبهاش حاجة إنه يعمل فيها كدة كانت بتحبه، ومكنش فيه خناقة قبل الواقعة».

وأضافت: «قبل الواقعة بفترة كان في الحبس وأمي رجعت عشانا وفضلوا 10 أيام كويسين مع بعض ومرة واحدة قلب عليها، مكنش بيكلمها ولا بيشتمها ولا بيضربها ولا أي حاجة كان لما بيعوز حاجة كان بيطلب مني أنا»، مبينة أن والدها كان متزوجًا من أخرى وأنجب منها ولد.

وشددت ملك ضحية مذبحة كفر غطاطي: «مع الناس برة كويس لكن معانا احنا لا، من كتر الضرب اللي كان بيضربه لها على دماغها كانت دايما مصدعه، كان عاملها عاهة مستديمة في عينها ، لما كنا بنكلموا مكنش بيرد علينا واللي في دماغه بيعمله حتى أخوه مقدرش عليه».

كان عامل الخردة عبد المولى ارتكب جريمة بحق زوجته وبناته الخمسة اللاتي لا يتجاوز عمر أكبرهن الأربعة عشر عامًا، دون وعي وإدراك لجريمته وبدون ندم في كفر غطاطي بمنطقة الهرم.. حيث ارتفعت أصوات شجار في شارع بهجت، الواقع في آخر منطقة فيصل، اعقبته استغاثة وصرخات دوت من داخل الشارع، فهرع الجميع إلى مصدر الصراخ، لمعرفة ما يدور، وفوجئوا بالدماء تسيل من كل جانب من أرجاء إحدى الشقق، وصرخات أخرى تهمس بين الحياة والموت، لا يعرف الأهالي مصدرها.

وإذا بأحد الأشخاص يخرج من داخل الشقة مصدر الشجار، ممسكًا بسكين، ويداه وملابسه ملطخة بالدماء، لم يدرِ الأهالي أن هذا الشخص ارتكب مذبحة في حق زوجته وبناته الخمس الأبرياء.

تابع أحدث الأخبار عبر