إحباط محاولة تهريب كمية من المخدرات وعبوات التجميل في أسوان
ضبط قطاع الأمن العام، أحد الأشخاص بأسوان، لمحاولته تهريب كمية من المواد المخدرة وبعض المنتجات غير خالصة الرسوم الجمركية.
إحباط محاولة تهريب كمية من المخدرات وعبوات التجميل في أسوان
أكدت معلومات وتحريات قطاع الأمن العام قيام (سائق - مقيم بدائرة مركز شرطة كوم أمبو - "له معلومات جنائية") بالإتجار فى المواد المخدرة والأسلحة النارية والبضائع المهربة بدائرة قسم شرطة نصر النوبة بأسوان.
وعقب تقنين الإجراءات تم ضبطه وعُثر بحوزته على (كمية من مخدر الحشيش وزنت كيلو جرام - كمية من مخدر البانجو وزنت 3 كيلو جرام - بندقية آلية - طلقات لذات العيار - 24 ألف قطعة ألعاب نارية - 3600 عبوة مستحضرات تجميل – سيارة نصف نقل)، وبمواجهته إعترف بحيازته للمواد المخدرة بقصد الاتجار، والسلاح الناري للدفاع وباقي المضبوطات غير خالصة الرسوم الجمركية لبيعها والتربح منها وتم إتخاذ الإجراءات القانونية.
أقوال المتهم الثاني في أكبر قضية تهريب آثار
وفي وقتٍ سابق، حصل “موقع الحادثة” على نص أقوال المتهم الثاني و. ج. ع محبوس، المهنة نائب رئيس مجلس إدارة نيل مصر للأسمدة، والمتهم بالاشتراك مع آخرين في أكبر قضية تهريب آثار، والمحالين إلى محكمة الجنايات.
جاء في نص التحقيقات
س :ما قولك فيما هو منسوب إليك من أنك متهم بإخفاء آثار بقصد تهريبها خارج البلاد ؟
ج : محصلش
س: ما قولك فيما هو منسوب إليك من انك منهم بحيازة اثر بقصد الاتجار علي النحو المبين بالتحقيقات؟
ج: محصلش
س: ما الذي حدث اذا وما هي ظروف ضبطك واحضارك وعرضك علينا الأن؟
ج: "اللي حصل أن أنا في عام ٢٠١٧ تعرفت على شخص ، وبعد كده عرفني بنفسه أن هو بيبيع تماثيل وتحف فنيه ، وعرض علي تمثال وعجبنى واشتريته منه وبعد كده عرض عليا تمثال تأنى واشتريته منه وبعد كده جابلي تمثال هديه ، وبعد كده جبلی تمثالين واشتريتهم منه وانا اشتريتهم علشان أنا راجل هاوى تجميع التحف ، وانا عندى مكتب في النزهة الجديدة وشلتهم فيه ، وبعد كده انا ليا صديق وأنا عارف أن هو متجوز واحده أجنبية ومراته دى فيه بينى وبينها علاقة صداقة ، وكنا بنتكلم وجوزها صحبي كان قايلى إن هي عندها معرض جاليري في رومانيا ، وبتبيع تحف في بوخاريست وبعد كده كلمتها وقالتلى إن هي عايزة تشترى شوية تحف من عندي وتسوقهالي فانا بعتلها صورة التمثال المذكور فهي قالتلى إن التمثال ده بحوالي مبلغ مليون ونص دولار فانا قولتلها متزودی شويه فلاقيتها بتقولى بثلاثة مليون دولار فقولتلها بطلى عبط فقالتلى انا كده كده جاية مصر وهشوفك وفعلا جت مصر وقالتلى انا هروح اقابل راجل كنت ورتلوا صورة التمثال اللي انت بعتهولى وقالتلى محدش هيجي معايا وبعد كده قالتلى خلاص ألف مبروك الراجل خلص معايا وقالى أن هو هيديني الفلوس وانا قولتلها بطلى عبط راحت هي زعلت وقالت انتوا كده بتبوظوا الشغل وانا قولتلها شغل ايه وبعد كده انا لاقيتها تانى يوم أن الراجل قابلني وقالى الديل اتلغى وملقتش معاه فلوس وقالتي انا فهمت الناس بتشتغلنا وخلاص وبعد كده هي سافرت ورجعت بلدها وبعد كده يوم الاثنين اللي فات كنت قاعد في الفيلا عندى لاقيت الحكومه دخله عليا ومسكونى وانا مكنتش فاهم حاجه وبعد كده سالوني قالولى انت عندك تماثيل وانا مكنتش مستوعب هما عايزين ايه وقالو عايزين حاجتنا اللي عندك ، وانا قولتلهم حاجة ايه وقصدك على ايه راح قالى على التماثيل فانا قولتلهم انا معنديش حاجه هنا ، وانا معايا تماثيل تحف انا بقتنيها في المخزن في النزهة الجديدة ، وبعدين خدونى وطلعوا بيا على المخزن وخدوا التماثيل وبعدين خدونى وطلعنا على ديوان الإدارة والنهاردة جابوني على هنا وده كل اللي حصل.
وجاء بأمر الإحالة أن المتهم الأول قام بتشكيل عصابة وإدارتها و كان الغرض منها تهريب الآثار المصرية إلى خارج البلاد.
كما أن المتهمين من الثاني إلى الرابع انضموا إلى التشكيل العصابي المبين بالاتهام السابق الذي شكل بغرض تهريب الآثار خارج مصر.
تابع أحدث الأخبار عبر
