هددتني بإيصالات أمانة وكانت عايزاني أنام معاها.. ننشر اعترافات ميكانيكي قتل حماته بالبدرشين
حصل موقع «الحادثة» على أقوال ميكانيكي في واقعة قتل حماته عمدا مع سبق الإصرار وقطع جثتها بصاروخ كهربائي بالبدرشين، وذلك في القضية رقم 5926 لسنة 2023 جنايات البدرشين.
قال المتهم «محمد. ط» 26 سنة، ميكانيكي أمام النيابة العامة: من حوالي 3 سنين اتعرفت على مني عبد المنعم لبيب وهي تبقي جارتنا في المنطقة، ونشأت بينا علاقة عاطفية وفجأة لقيت أمها "فاطمة. ا. س" جابتني البيت وقالت لي إني لازم اتجوز بنتها عرفي لحد ماتكمل السن، ونكتب رسمي وأمضي علي إيصالات أمانة ليها، وأعيش معاهم في بيتها، مستريحتش في الأول ورفضت، بس هي هددتني إنها هتعمل محضر أني نمت مع بنتها وفضايح وهي معروف عنها إن ليها صلة بمخبرين المباحث في البلد».
وأضاف المتهم: «في الآخر عملت اللي هي عايزاه، وكتبت عرفي على بنتها ومضيت على إيصالات أمانة وسبتهم معاها، وعشت معاهم في بيتها، هي قاعدة لوحدها في الدور الأرضي وأنا قعدت مع مراتي في السطح فوق لحد ما ظروفي تتحسن وأشطب السطح لأنه علي الطوب الأحمر وكان معانا أخو مراتي الصغير عشان امه مش بتقعده معاها».
وتابع المتهم: بعد فترة لقيت إن سلوكيات حماتي مش مضبوطة خالص وكل يوم والتاني راجل يجي البيت يبات معاها، وأنا الراجل الوحيد اللي قاعد معاهم في البيت وكل الناس بقت شايفاني بشكل مش كويس وإني ديوث على حماتي ومراتي، وأنا أصلا اتورطت ومكنتش عايز الجوازه دي».
وأضاف الزوج: طلبت منها إيصالات الأمانة فضلت تقولي لا وتغلط في وهددتني بايصالات الأمانة، فقتلها أنا همشي وأطلق بنتك قامت حطت رجل على رجل، وقالت لي وأنا هحبسك بالإيصالات اللي معاي دي، وقالت لي لو مش عايزني أجيب رجالة تعالى أنت نام معايا وريحني، فشديت معاها لأن صعب علي نفسي ومن اللي بقيت فيه ومنظري أدام الناس».
وأستطرد الميكانيكي: اتعصبت وفجأة مسكت الشاكوش اللي في إيدي، وقمت خابطها علي رأسها جامد فوقعت في الأرض، وكانت بتجيب دم ودايخه وحاولت تقوم فقمت ضاربها ضربة تانية علي رأسها بالشاكوش وقعت على الأرض وبقت تنزف دم من راسها وقطعت نفس، اتأكدت إنها ماتت فقمت ساحبها للحمام وقفلت عليها الشقة، وطلبت من مراتي تروح تاخد أخوها الصغير وتمشي تروح على بيت أخوالها في المنشية عقبال ما أشوف مكان تاني نقعد فيه بعيد عن أمها، بالفعل مشيت راحت هناك، وأنا قلت اتصرف في الجثة وفعلا رحت جبت شوية بنزين معايا من اللي معايا في البيت باستخدمهم وطشط بتاعنا في البيت وصاروخ كهربا من عدة شغلي واشولة بلاستيك ودخلت الشقة ورحت على الحمام وبدأت أقطع في الجثة حتت في الطشط واللبس اللي بيشبك في الصاروخ احطه في الطشت.
وتابع المتهم: ولعت فيهم بس الدخان كتر عن اللزوم فخفت الجيران يشموا ويحسوا إن فيه حاجة فأنا طفيت بسرعة بالميه عشان ماحدش يعرف واتفضح وبعدها عبيت الحتت بتاعة الجثة في الأشولة وخدتها علي كتفي وطلعت بيها السطح وطلعت الطشت والصاروخ حطتهم فوق في الأوضة اللي في السطح ورميت الأشولة اللي فيها حتت الجثة في المنور اللي عند الحمام لحد ما أبقى اتصرف وأجي أخدهم أرميهم في أي حتة ولا في أي ترعة ومسحت تحت في شقة حماتي بالميه عشان أخفي الدم والدخان تحت بس اتفاجئت إن الجيران بلغوا بسبب الريحة والحكومة جت والموضوع اتكشف وأنا سلمت نفسي واعترفت على كل حاجة.
تابع أحدث الأخبار عبر
