قطع أثرية مضروبة.. تفاصيل القبض على عصابة النصب على مواطن بالمعصرة
أمرت نيابة حلوان الجزئية، اليوم الثلاثاء، حجز المتهمين بالتشاجر والنصب 24 ساعة على ذمة تحريات المباحث، وتفريغ كاميرات المراقبة لتحديد ملابسات الواقعة.
تفاصيل نصب 3 أشخاص على مواطن بالمعصرة
وتبين من التحقيقات أن قسم شرطة المعصرة تلقى بلاغًا يفيد وقوع مشاجرة، بين شخص وثلاثة آخرين بسبب محاولة أحدهم النصب عليه.
فتبين أن المتهمين حدثت بينهم مشادة كلامية بسبب قيام الطرف الثاني بالنصب والاحتيال على الطرف الأول والاستيلاء على مبلغ مالي منه مقابل إيهامه ببيع قطع أثرية له.
تم اتخاذ الإجراءات القانونية، وتولت النيابة العامة التحقيق.
عقوبة النصب
تضمن قانون العقوبات في المادة رقم 336 عقوبات رادعة لمرتكب جرائم النصب والاحتيال على المواطنين، على أن يعاقب بالحبس كل من توصل إلى الاستيلاء على نقود أو عروض أو سندات دين أو سندات مخالصة أو أي متاع منقول.
أكبر قضية تهريب آثار
حصل موقع الحادثة علي نص أقوال المتهم الأول، رجل أعمال شهير، رئيس مجلس إدارة شركة شهيرة للاستثمار والتنمية (محبوس)، والمتهم بالاشتراك مع آخرين في أكبر قضية تهريب آثار، والمحالين إلى محكمة الجنايات.
جاء في نص أقواله:
س: ما اسمك ؟ وما موقعك الوظيفي ؟
ج: ا.أ -أعمل رئيس مجلس إدارة شركة ترست جروب للاستثمار والتنمية.
س : ما قولك فيما هو منسوب إليك من أنك متهم بتأليف عصابة داخل جمهورية مصر العربية، وكان من أغراضها إخفاء الآثار لتهريبها إلى خارج البلاد مع علمك بتلك الأغراض ؟
ج: محصلش.
س : ما قولك فيما هو منسوب إليك من أنك متهم بإخفاء أثر بقصد تهريبه خارج البلاد ؟
ج : محصلش.
س: ما قولك فيما هو منسوب إليك من انك متهم بحيازة أثر بقصد الاتجار ؟
ج: محصلش.
س: ما قولك فيما هو منسوب إليك من أنك متهم بحيازة أثر بغير ترخيص على النحو المبين بالتحقيقات؟
ج: محصلش.
س: ما الذي حدث إذًا؟ وما هي ظروف ضبطك وإحضارك وعرضك علينا الآن؟
ج: اللي حصل إن أنا في عام ٢٠١٧ اتعرفت على ج.م، وبعد كده عرفنى بنفسه، وقال انه هو بيبيع تماثيل وتحف فنية، وعرض علينا تمثال وعجبنى واشتريته منه، وبعد كده عرض عليا تمثال تانى واشتريته منه، وبعد كده جابلي تمثال هدية، وبعد كده جابلی تمثالين واشتريتهم منه وانا اشتريتهم علشان انا راجل هاوى تجميع التحف، وانا عندى مكتب في النزهة الجديدة، وشلتهم فيه، وبعد كده انا ليا صديق آخر وانا عارف ان هو متجوز واحدة أجنبية ومراته دى فيه بينى وبينها علاقة صداقة، وكنا بنتكلم وجوزها كان قايل لى ان هي عندها معرض جاليري في رومانيا وبتبيع تحف في بوخاريست، وبعد كده كلمتها و قالت لى ان هي عايزة تشترى شوية تحف من عندي وتسوقها لي، فانا بعت لها صورة التمثال المذكور فهي قالت لى ان التمثال ده بحوالي مبلغ مليون ونص دولار، فأنا قلت لها متزودی شويه فلقيتها بتقول لى بثلاثة مليون دولار فقلت لها بطلى عبط فقالت لى انا كده كده جاية مصر وهشوفك، وفعلا جت مصر وقالت لى انا هروح اقابل راجل كنت وريت له صورة التمثال اللي انت بعتهولى وقالت لى محدش هييجي معايا، وبعد كده قالت لى خلاص ألف مبروك الراجل خلص معايا وقال لى ان هو هيديني الفلوس وانا قلت لها بطلى عبط، راحت هي زعلت وقالت انتو كده بتبوظوا الشغل وانا قلت لها شغل إيه؟ وبعد كده انا لقيتها تانى يوم بتقول ان الراجل قابلني وقالى الديل اتلغى وملقتش معاه فلوس وقالت لي انا فهمت الناس بتشتغلنا وخلاص، وبعد كده هي سافرت ورجعت بلدها، وبعد كده يوم الاثنين اللي فات كنت قاعد في الفيلا عندى لقيت الحكومه داخلة عليا ومسكونى وانا مكنتش فاهم حاجة، وبعد كده سألوني قالوا لى انت عندك تماثيل؟ وانا مكنتش مستوعب هما عايزين إيه واتعاملوا معايا، فقلت لهم انتوا عايزين إيه؟ قالوا عايزين حاجتنا اللي عندك وانا قلت لهم حاجة إيه؟ وقصدك على إيه؟ راح قال لى على التماثيل، فأنا قلت لهم أنا معنديش حاجة هنا وانا معايا تماثيل تحف انا بقتنيها في المخزن في النزهة الجديدة، وبعدين خدونى وطلعوا بيا على المخزن وخدوا التماثيل، وبعدين خدونى وطلعنا على ديوان الإدارة والنهاردة جابوني على هنا، وده كل اللي حصل.
تابع أحدث الأخبار عبر
