المتهم بالتحرش بفتاة أجنبية بأكتوبر: اتقابلنا 4 مرات لكن مش فاكر اسمها
كشفت التحقيقات مع "نور الدين إ." نجل شيف شهير، والمتهم بـ التحرش بفتاة أجنبية بأكتوبر، في القضية رقم 766 لسنة 2023 جنايات ثاني الشيخ زايد، أنه يعمل سائق أوبر بتهمة بـ هتك عرض أجنبية الجنسية في أثناء توصيلها لأحد المولات الشهيرة بأكتوبر، عن مفاجآت في أقواله.
نجل شيف شهير يتحرش بأجنبية
وقال المتهم في التحقيقات: "يوم الواقعة كلمتني واحدة أعرفها من قبل، كنت باوصلها، واتوطدت العلاقة بيننا، وبقينا نخرج، وكنت ساعات أبوسها وهى تبوسني، وقالت لي تعالى وصلني أنا واثنين معايا عند مول شهير، وأول ما وصلتهم عند المول، قالت لي رجعنا تاني، فرجعتهم عند بقالة عند دار مصر في الحي 12 بالشيخ زايد، والاثنين اللي معاها نزلوا، وهى فضلت قاعدة، فأنا مسكت إيديها بإيدي اليمين وفخذها الأيسر؛ عشان أنا متعود أعمل معاها كده".
وأضاف المتهم بهتك عرض أجنبية: "فجأة قالت لي: لا أنا مش بحب حد يلمسني، فأنا قلت لها: ليه؟ هو انتي مجربيتش قبل كده؟ فقالت لي: لا مجربتش. فأنا فضلت ماسك إيديها وفخدها، وأول لما اللي معاها جم من البقالة أنا شيلت إيدي".
سائق أوبر يتحرش بفتاة أجنبية
وتابع "البنت نزلت من العربية لما صحابها جم، ولقيتهم بيصوروني أنا والعربية، وبعدها لقيت قوة من القسم في بيتي، وسألوني: عربيتك اللي واقفة تحت؟ فقلت لهم: آه عربيتي. وأخدوني على قسم الشيخ زايد بعربيتي، وطلعت القسم لغاية الجمعة المغرب بيمضوا لي على محضر".
مؤكدا أنه تقابل مع الفتاة 4 مرات قبل الواقعة، وبسؤاله عن اسم المجني عليها، قال "مش فاكر"، وبسؤاله: أنه قرر سلفا بالتحقيقات بلقائه مع المجني عليها 4 مرات، فكيف يستوي ذلك مع عدم علمه باسمها، أجاب "عشان أنا ما بفتكرش كويس، وأنا مسكتها بس كان فيه علاقة عاطفية ما بنينا".
تابع أحدث الأخبار عبر
