القصة الكاملة لسرقة فيلا محمد صلاح.. اعترافات خطيرة من المتهم الرئيسي وحجم المسروقات
في مارس الماضي تعرضت فيلا اللاعب محمد صلاح بالقاهرة الجديدة للسرقة علي يد شخصين، فور تلقي الأجهزة الأمنية بلاغا بالواقعة تحركت وباجراء التحريات توصلت إلى مرتكب الواقعة،
وعقب 24 ساعة فقط نجحت الأجهزة الأمنية في ضبط المتهمين بأحد التجمعات السكنية بالقاهرة الجديدة، وإعادة المسروقات.
والبداية عندما تلقت أجهزة الأمنية بمديرية أمن القاهرة بتاريخ 12 مارس الماضي بلاغا من مدير أعمال أحد لاعبي كرة القدم باكتشافه سرقة بعض محتويات الفيلا الخاصة باللاعب المذكور الكائنة بإحدى التجمعات السكنية بالقاهرة الجديدة.
وبإجراء التحريات وجمع المعلومات ومن خلال تتبع خطوط السير تمكنت الأجهزة الأمنية من تحديد مرتكبي الواقعة، وتبين أنهم شخصين "أحدهما سبق له العمل كفرد أمن بالمجمع السكنى المشار إليه" - مقيمين بمحافظة الإسماعيلية، وأن الواقعة ارتُكبت بتاريخ 12 مارس الماضي.
وعقب تقنين الإجراءات تم ضبطهما، وبمواجهتهما اعترفا بارتكابهما الواقعة، وأقر أحدهما بأنه نظراً لسابقة عمله كفرد أمن بذات التجمع السكنى وعلمه بخلو الفيلا من قاطنيها خطط لارتكاب الواقعة بالاشتراك مع المتهم الثاني، حيث قاما بتسلق السور الخلفي للفيلا المشار إليها وارتكاب الواقعة، وبإحالة المتهمين للنيابة أمرت بحبسهم وإحالتهم إلى محكمة الجنايات.
اعترافات المتهم بسرقة فيلا محمد صلاح
وأدلى المتهم الرئيسي باعترافات تفصيلية أمام النيابة العامة كشف فيها عن خطة تنفيذ الجريمة وكيفيتها والمسروقات.
وجاء في نص أقواله كاملة
س: ما تفصيلات اعترافك؟
ج: اللي حصل إن أنا كنت شغال هناك من سنتين وبقالي سنة ونص ماشي، وكنت مسئول عن 10 فيلل منهم فيلا محمد صلاح، وتعثرت ماديا بسبب انفصال بدون طلاق بين والدي ووالدتي بسبب مشاكل، وبعد كده والدتي راحت قعدت في مكان إيجار، وأنا اللي كنت بدفع الإيجار وبساعدها في المصاريف، وكنت شغال في شركة ومشيت منها من شهر، وفكرت إني أسرق فيلا محمد صلاح وأنا كنت عارف إن هو بييجي الفيلا لما بيكون فيه ماتشات للمنتخب.
وأنا كنت عارف إن الباب الخلفي مكسور وبيتقفل بسيخ حديد فكلمت عادل صاحبي وقلت له على الفكرة قالي والكاميرات قولتله إن الفيلا مفيهاش حد قالي لا أنا مش جاي وبعدها بيومين لقيته بيكلمني بالليل وقالي أنا هاجي معاك نسرق الفيلا، وقلتله خلاص نتقابل بكرة الصبح وفعلا اتقابلنا تانى يوم الصبح الساعة 11.
وتابع: فضلت أراقب فيلا محمد صلاح وكان معايا واحد صاحبي وبعد ما اتأكدنا إن مفيش حد معدي رحت أنا الأول على الباب الخلفي بتاع الفيلا عشان أشوفه فلقيته متصلح، فعادل اللي معايا في القضية جه ورايا فقالي هنعمل إيه قلت له هنط من على الباب الخلفى والباب فعلا قصير فأنا نطيت فلقيت نور الفيلا منور من جوه فأنا استخبيت في الشجر اللي موجود في الجنينة وبعدها بدقيقة عادل نط وجه ورايا واستخبينا.
واستكمل المتهم اعترافاته: بعد ما سرقنا الفيلا أنا رحت على البيت عند عادل وفضلت عنده لحد الصبح، وبعد كده سبت المسروقات عنده وخدت أنا الـ 3 جزم ورحت على البيت عندي عشان أبو عادل ميشكش فيه إنه سرقهم، وعادل خد باقي الحاجة ومعرفش هو عمل فيهم إيه عشان أنا مكنش معايا تليفون أتواصل معاه، وحوالي الساعة 3 الفجر لقيت الحكومة جات لي البيت وخدوني وقالولي فين الحاجة اللي انت سرقتها من عند محمد صلاح قلت لهم في الدولاب فتحوا الدولاب لقو 3 جزم وخدوني ونزلوني وأول ما نزلت معهم لقيت عادل معاهم، وراحوا مع عادل على البيت عنده جبلهم الميدالية وكان فاضل الخمس ريسيفرات والكريستالة قالهم أنا شايل الشنطة عند محمد أبو عزه صاحب عادل فخدهم راحو على محمد وعادل خدوهم وطلعوا عند محمد ملقوش في الشطنة غير اتنين ريسيفر وكريستالة ولما سألوه على الثلاثة رسيفرات عادل قالهم بعتهم لواحد فعادل خدهم على هناك جابوا الثلاثة رسيفرات كان عادل بايعهم له بـ 300 جنيه وبعد كده جابونا على قسم التجمع الأول وهو ده اللى حصل.
تابع أحدث الأخبار عبر
