نص أقوال البلوجر أم زياد المتهمة بالاتجار في البشر: شفت عيالي في وضع مخل

حصل «الحادثة» علي النص الكامل لأقوال هبة السيد والمعروفة بـ «البلوجر أم زياد» والمتهمة بالاتجار في البشر.

نص أقوال المتهمة أمام نيابة الخصوص بالقليوبية: 

س: ما ظروف ضبطك وعرضك على النيابة العامة؟
ج: اللى حصل إني كنت نايمة في بيتي اللي في شارع الأمير، والأمن جابني على قسم الخصوص وبعد كده النيابة العامة.

س: ومتى كان ذلك تحديدًا؟

ج الكلام ده حصل فجر يوم الخميس اللى فات الموافق 2023/5/4.

س: ومن أين تم ضبطكِ؟
ج: أنا اتمسكت من بيتي اللي في شارع الأمير بعد موقف التكاتك - الخصوص.

س: وما كيفية إدارتك لحسابك بالقناة الجديدة وحساب تيك توك؟

ج: أنا اتفرجت على فيديو على اليوتيوب إزاي أعمل إيميل وجبت ورقة وقلم ومشيت مع الخطوات وكتبتها ودخلت على الجيميل  gmail وعملت حساب عليه وبعدها اتفرجت على فيديو على اليوتيوب بعد ما عملت بحث عن كيف أنشئ قناة ومشيت مع الخطوات وصورت بطاقتي في خانة إثبات الهوية اللى على اليوتيوب بالكاميرا، وعملت القناة يوميات أم زياد وهبة، وكنت بتعلم لسه على القناة دى ومكنش عليها متابعين كتير هما حوالى خمسة عشر ألف متابع، وبالنسبة لبرنامج التيك توك محمد ابني هو اللي عملهولي في الأول هو اللي كان بيديره لحد ما اتعلمت أحوّل الهدايا لرصيد إزاي وينزلي على حساب الـ باي بال وأصرفهم من أي مكنة بنك بس لو الحساب اللى على موبايلى خرج معرفش ادخل عليه تاني لأن ابنى محمد هو اللى عارف البريد الإلكتروني اللي مربوط بيه والرقم السري. 

س: وإلى أين تم اقتيادكِ؟

ج هما خدونى على قسم الخصوص.

س: من يُدير الحسابات المرتبطة به؟

ج: محمد ابني هو اللى بيدير الحسابات دي ماعدا قناة أنا عملتها جديد على اليوتيوب اسمها يوميات أم زياد وهبة أنا اللى بديرها بس أنا لسه عملاها وبالنسبة لحساب التيك توك بتاعي أنا اللى بديره.

س: ومن الناشر عبر تلك الحسابات؟

ج: محمد هو اللى كان بينشر الفيديوهات اللى على الحسابات بتاعتي ماعدا حوالى أربع أو خمس فيديوهات أنا اللى نزلتهم ودا بالنسبة للفيس بوك واليوتيوب والخاصة بالقناة القديمة والتيك توك من ساعة ما الحساب اتعمل وأنا اللى بديره وبنزل عليه الفيديوهات، أما بالنسبة للقناة الجديدة اللى أنا عملتها على اليوتيوب «يوميات أم زياد وهبه» أنا اللى كنت بنشر الفيديوهات بتاعتها على القناة.

س: قررت لنا الآن بالتحقيقات وسلفا بجلسة الاستجواب الأولى بوقوفك على هتك عرض ابنك محمد عرض ابنتك حبيبة فمتي اكتشفتي تلك الواقعة؟

ج: من حوالي سنة ونص أو سنتين قبل ما تطلق لما كنا عايشين في البيت القديم اللي فشارع عمر ابن الخطاب كنت نايمة على السرير وطليقي حمدي كان نايم في نفس الأوضة وقمت اشرب وأبص على العيال ودخلت الأوضة بتاعتهم لقيت بنتي كانت نايمة على السرير ومحمد في وضع مخل.

إحالة البلوجر أم زياد للمحاكمة الجنائية

كانت النيابة العامة أمرت بإحالة أم زياد وابنها محبوسين إلي محكمة الجنايات ، وكذلك زوجها إلى محكمة الجنايات وأمرت بضبط وإحضاره لمعاقبته على جرائم استغلال الأطفال وتجارة البشر وتصوير ونشر مقاطع فيديو تخالف القيم والأخلاق وتهدد المجتمع.

وحددت  محكمة الجنايات أولى جلسات محاكمتها في 19 أغسطس المقبل.

تابع أحدث الأخبار عبر