القبض على متهم بممارسة أعمال السحر والشعوذة داخل مسجد بالخليفة
ألقت الأجهزة الأمنية بوزارة الداخلية، القبض على متهم بممارسة أعمال السحر والشعوذة داخل مسجد بالخليفة.
القبض على متهم بممارسة أعمال السحر والشعوذة داخل مسجد بالخليفة
رصدت المتابعة الأمنية تداول مقطع فيديو على إحدى الصفحات عبر موقع التواصل الاجتماعي "فيس بوك" يتضمن الادعاء بقيام أحد الأشخاص بممارسة أعمال السحر والشعوذة داخل أحد المساجد بدائرة قسم شرطة الخليفة بالقاهرة.
وعقب تقنين الإجراءات أمكن ضبط المتهم وأقر بقيامه بالرقية الشرعية لإحدى السيدات بناءً على طلبها دون مقابل .
وتم اتخاذ الإجراءات القانونية وتولت النيابة العامة التحقيق.
تفاصيل الأزمة الصحية لـ فيفي عبده
قالت الفنانة فيفي عبده في بيان حالتها الصحية تعقيبًا على ما أشاعه المنتج أحمد الزواوي من قيامه بعمل السحر لها:" بدأت الأزمة عندما تعرضت لـ وعكة صحية عادية ولكن عندما بحثوا على عروق في إيدي مفيش ولما عملوا لي فحص اكتشفوا أن القلب فيه رفة، روحت لدكتور قلب وخدت بنج وعملولي منظار عشان يطمنوا على القلب ولما اطمنوا كانوا مجهزين اوضة العمليات بتاعه العمود الفقري، ولما سافرت عشان اتكرم فوجئت وأنا بحط رجلي على السلم لقيت رجلي تقيلة ودي كانت مفاجأة بالنسبة لي ومكنتش قادرة أطلع عشان اتكرم”.
وتابعت قائلة خلال فيديو نشرته عبد حسابها الشخصي “وأنا داخله أعمل العملية قلت لربنا لو قمت كويسة لازم أروح حتى على كرسي، فجأة لقيت الغضروف قفل على العصب وما بقاش العصب يتحرك ورجلي بقيت تقيلة، وربنا يتم شفائي لأن الصحة التاج ولو مال الدنيا معاك لو مفيش صحة يبقى أنت مش معاك حاجة.
واستكملت فيفي حدثها قائلة “أكيد مليون في المية معمول ليا ما أتحركش من السرير ولو أعرف مين عامل ليا العمل أقول له أبوس رجلك فكه ليا حرام عليك أفضل في السرير أقوم من حاجة ألقي حاجة حرام”.
وكشفت فيفي عبده عن تعرضها للحسد قائلة : “لأول مرة بقول لجمهوري ارحموني الناس كلها بتحبني، لكن أنا ممكن أحسد نفسي والحسد موجودة ولكن زاد عن حده معايا، ومش عاوزة أضعف وأقول لهم أني محسودة لأني مش عاوز العطف وأنا دايما واقفة زي الأسد برقص ومبسوطة وبسمع المزيكا، ومش عاوزة اكئب الناس لأن الناس دي بتصحى من النوم تشوف صفحتي ويشوفوا عاملة إيه”.
وأنهت حديثها قائلة “الغضروف قفل على العصب وما بقاش العصب يتحرك ورجلي بقيت تقيلة، وربنا يتم شفائي لأن الصحة تاج ولو مال الدنيا معاك لو مفيش صحة يبقى أنت مش معاك حاجة"
تابع أحدث الأخبار عبر
