عامل زراعي في النهاروبيشتغل سواق توكتوك بالليل.. قصة أغرب حكاية حب
الموضوع هيبدأ بعامل زراعي في منطقة جنوب الجيزة، وبيشتغل سواق توكتوك بالليل وحب بنت عندها في حدود 16 سنة، وهي كمان حبته اظن لحد كده تمام وعادي، أصل المرحلة ده بتبقى مشاعرنا فياضة وصعب نتحكم فيها.
واتعرفوا علي بعض وبداوا يخرجوا سوا ويتكلموا في التليفونات بليل وقبل ما كان يروح شغله في الأرض، كان بيوصلها المدرسة بالتكتوك، تعبير عن الحب أبو زياده، وحكايات كتيره تانيه، والبنت ولأنها مؤدبة وحسة أنها مش قادرة تمسك نفسها، كانت بتلح عليه كل شويه وتقوله هتيجي امتي تتعرف علي بابا وماما وهو بيحاول يغير المواضيع، هو أه بيحبها لكن مش متأكد لسه من احساسه ومشاعره،
لحد لما اتأكد، مش علشان الزن بس لكن فعلا ماعدش بيشوف غيرها لدرجة أنه كان بيحضن الزرع اللي في الأرض، قرر يروح لاهلها لكن خاف ياخد أهله أحسن أبوها يهينهم، علشان هو صاحب أرض وميسور الحال، وفعلا راح لوحده من غير اي حد من عيلته واللي كان عامل حسابه حصل، واترفض اول مره بسبب انه سواق توكتوك وفلاح ومعدوم الحال، مع أنه برضه متعلم ومعاه دبلوم.
وعلشان البنت متمسكه بيه كانت بتلح عليه يكرر المحاولة، ولما كان بيقترح عليها يهربوا كانت بتقول قرار جوازي الاول والاخير لابويا، وهي واثقة أن مع الإلحاح هيوافق.....ياعني بنت اصول
المهم....هو جرب مره تانيه ولكن كان الجواب برضو بالرفض.
