عزة للقاضي: «بعت خضار في الشارع عشان أخليه بني آدم وأخرتها عايز يتجوز ويبيع شقتي»
20 سنة من التحمل والصبر في أزمات كثيرة مرت على الزوجين ومع ذلك لم تطلب الزوجة الانفصال في مرة لأنها أصيلة إذ تحملته في كل المواقف الصعبة وكانت هي السبب في حصوله على وظيفة أفضل ومرتب أعلى، وكانت المكافأة رغبته في الزواج من أخرى وطردها هي وأولادها من الشقة التي أشترتها بمالها الخاص.
أقرأ أيضًا: نادية للقاضي: «جري ورايا 4 سنين واتجوز علي بعد 5 شهور»
«بيقتري عليا وأهله السبب».. بدأت السيدة عزة تروي قصتها مع زوجها الذي لم يحافظ على العشرة بينهما طوال 20 سنة كاملة، مؤكدة على وقوفها بجانب زوجها في كل الأوقات الصعبة قبل الأوقات السعيدة، وأضافت: «في أول الجواز كانت الدنيا مش متيسرة أوي بس كنا عايشين وبنحمد ربنا ويوم معانا ويوم لأ، كنا قاعدين في أوضة أنا وهو وحتى لما بدأنا نجيب عيال كنا لسه في نفس الأوضة».
زوجة أصيلة
رضيت الزوجة بالواقع وتحملت زوجها في ظروفه الصعبة، بالإضافة أنها بحث عن العمل من أجل مساعدة زوجها والمشاركة في مصاريف المنزل والأولاد، تابعت عزة: «لما بدأت أخلف عيل والتاني ومصاريف جوزي مش مساعدة دورت على شغل عشان أساعده بس ملقتش عشان أنا مش متعلمه، جبت خضار وبيعته قدام البيت والحمد لله بقيت أدخل فلوس كل شهر».
أضافت عزة: «بقيت أدور له على شغل كويس بمرتب أعلى وفعلًا جبتله شغل ومرتبه بقا كويس وربنا فرجها علينا واتفقنا أنا وهو ندخل جمعيات عشان نعرف نجيب أي شقة لينا وللعيال بدل الأوضة دي وجبنا شقة صغيرة كدا جمبنا سعرها حلو».
أقرأ أيضًا: منى في دعوى طلاق: «قالي رايح اشتغل في قطر واكتشفت إنه اتجوز عليا وأنا لسه عروسة»
لاحظت الزوجة تغير الزوج منذ بدايته في العمل الجديد ولكنها تغاضت عن أي تصرف بدر منه ولكنه فاجأها عندما أخبرها برغبته في الزواج من أخرى، أضافت: «معاملته اتغيرت معايا من ساعة ما بقا معاه فلوس وكنت بقول مش مهم، بس لقيته في يوم بيقولي أنا عايز اتجوز تاني»، تابعت الزوجة: «سبت له البيت واكتشفت إنه عايز يبيع الشقة اللي جبتها بفلوسي وأهله هما الي بيسلطوه إنه يبيع الشقة وفاكرين إن هو اللي جايب الشقة».
أنهت عزة حديثها في حسرة: «لما عرفت موضوع الشقة روحت رفعت قضية تمكين عشان عيالي بقالي سنة ولما عرف إني رفعت قضية عليه، طلقني غيابي».. لا تزال القضية منظورة في المحكمة حتى الآن.
أقرأ أيضًا: دنيا في دعوى طلاق للضرر: «ضرب أبويا ورفع السلاح على أخويا»
تابع أحدث الأخبار عبر
