جحود الأبناء.. محمد في إبطال نفقة : "كبرتهم ودلوقتي مبهدلني في المحاكم"
جحود الأبناء واحدة من القضايا المجتمعية التي تتزايد خاصة بعد انفصال الأبوين ، وفي حلقة جديدة من مسلسلات جحود الأبناء التقى موقع الحادثة بأحد الآباء الذين ضاقت بهم الأرض على وسعها وهم يقفون على أعتاب المحاكم في خصومة مع أبنائهم.
جحود الأبناء .. محمد في إبطال نفقة :"بناتي مبهدلني في المحاكم بعدما كبرتهم"
جلس رجل في منتصف الخمسينات على أعتاب المحكمة ينتظر الحاجب ينادي عليه ليروي للقاضي قصته مع بناته الذي تجردت داخلهم كل العواطف تجاه والدهم ما جعلهم يلجئون للقضاء والوقوف في المحاكم أمام والدهم الذي تعب في تربيتهم منذ صغرهم، فجأة نسوا كل جمايل والدهم واتجهوا للمحاكم.
أقرأ ايضًا: نادية للقاضي: «جري ورايا 4 سنين واتجوز علي بعد 5 شهور»
"بيقفوا قدام أبوهم في المحاكم" هكذا بدأ السيد محمد يروي قصته مؤكدة على حسن معاملته مع بناته الاثنين في عش الزوجية، أضاف: "كنت بجبلهم اللي هما عايزينه وأي فلوس بيطلبوها كنت بحاول اديهالهم عشان محرمهمش من أي حاجة هما عايزينها وهما كانوا مرتبطين بيا".
تغير الأبناء بعد الانفصال
تغيرت البنات بطريقة مفاجأة منذ انفصال الزوج عن الزوجة ولكنه لا يعرف سبب التغير، تابع الزوج: "من ساعة ما اطلقنا أنا وأمهم من خمس سنين وبناتي اتغيروا معايا ومبقوش يتصلوا بيا ولا بيسألوا عليا بيكلموني بس لما بيكونوا عايزين فلوس غير كدا مبسمعش صوت واحدة فيهم".
أضاف: "كنت بديهم كل شهر ألفين ونص ومكنش معترضين وكل حاجة كانت تمام، وفجأة من سنتين بقوا عايزين يزودوا الفلوس اللي بدهالهم كل شهر وقالولي احنا عايزين خمسة آلاف قولتلهم ليه قالولي الدنيا غالية والفلوس اللي أنت بتدهالنا مش كفاية قولتلهم أنا مرتبي مش هيكفي كل دا".
أقرأ أيضًا: منى في دعوى طلاق: «قالي رايح اشتغل في قطر واكتشفت إنه اتجوز عليا وأنا لسه عروسة»
تجردت البنات من المشاعر منذ رفض الأب زيادة مصاريفهم الشهرية ما دفعهم لرفع قضية زيادة نفقة والوقوف أمام والدهم في المحاكم، أضاف الأب: "أول لما قولتلهم مش هزودلكوا المصاريف رفعوا عليا قضية زيادة نفقة ومكنتش أتخيل إنهم يقفوا قصادي في المحاكم عشان خاطر الفلوس وينسوا كل حاجة حلوة عملتهلهم".
انزعج الأب من هذا التصرف الذي صدر منهم وتحدث معهم وطلب منهم التنازل عن القضية ولكنهم رفضوا، أكمل وعلامات الحسرة تملأ وجهه: "لما عرفت إنهم رفعوا عليا قضية كلمتهم وقولتلهم ميصحش كدا اتنازلوا عن القضية قالولي بكل بجاحة مش هنتنازل ولازم ناخد حقنا".
تحدث الأب مع بناته عدة مرات بخصوص القضية وأنه يجيب عليهم التنازل عنها ولكنهم رفضوا في كل مرة، ما جعل الأب يلجأ للقضاء ورفع قضية إبطال نفقة ولا تزال القضية منظورة حتى الآن.
أقرأ أيضًا: ياسمين لقاضي الأسرة: « أمه طفشتني بعد 4 شهور ومجاش يوم موت بنته»
تابع أحدث الأخبار عبر
