منال للقاضي: «بيتفسح في الساحل والسخنة وسايبني من غير ولا جنيه»
مرت شهور قليلة على الزواج الذي كانت تظن الزوجة أنه سيكون مثاليا بكل ما تحمله الكلمة، لكن لم تكتمل فرحتها إذ تبدل حاله وأصبح رجلا قاسي القلب عديم الرحمة وتبدلت معه كل آمال الزوجة في العيش مع رجل صالح وحياة سعيدة.
أقرأ أيضًا: نادية للقاضي: «جري ورايا 4 سنين واتجوز علي بعد 5 شهور»
«عايزة تتطلق عشان بيضربها ضرب عنيف» هكذا بدأ المحامي ذكريا فوزي حديثه عن قصة المدعية «منال»، وعما بدر من زوجها من ضرب، وأضاف: «كان كويس معاها في فترة الخطوبة وأول الزواج وأهلها كمان ساعدوه في مصاريف الزواج كلها حتى الشقة اللي هما قاعدين فيها حماه هو اللي جايبها عشان يساعده في المصاريف ويبقى عندهم شقة تمليك».
التحول المفاجئ
كانت الزوجة سعيدة بالزوج الصالح لأنه يعاملها المعاملة التي تتمناها أي فتاة، تابع فوزي: «في أول الجواز كان ونعم الاحترام والأخلاق مكنش بيزعلها خالص بس بدأ يتغير بعد كام شهر من الجواز، بدأ يرد عليها ردود تضايقها بس كانت مش مهتمة وفاكرة إنه مضغوط في الشغل».
بدأ الزوج يتحول لشخص آخر لم تعرفه الزوجة من قبل بسبب أفعاله التي تتمثل في ضرب وإهانة طوال الوقت، مضيفا: «مبيصرفش على البيت ولا بيسيب أي مصاريف ليها ولما طلبت منه يسيب فلوس ساب لها 50 جنيه تعمل بيهم الغدا ولما قالتله دول مش كفاية ضربها مع إنه شغال مدير ومعاه فلوس».
أقرأ أيضًا: منى في دعوى طلاق: «قالي رايح اشتغل في قطر واكتشفت إنه اتجوز عليا وأنا لسه عروسة»
تظاهر الزوج بالفقر
كررت الزوجة طلبها بزيادة مصاريف ولكن في كل مرة كان يتظاهر بالفقر وعدم امتلاك أي أموال، تابع المحامي: «بقا يسيبها أيام من غير أي فلوس ولما تطلب منه فلوس يقولها مش معايا أجبلك منين، بيفهمني إنه هيسافر عشان عنده شغل، ولما بيسافر بيبعتلي صوره وهو بيتفسح في الساحل والسخنة وسايبني أنا هنا من غير ولا جنيه».
أضاف: «لما ضربها أول مرة قالت مش مهم يمكن متعصب ولا حاجة، بس لاحظت الزوجة إنه متغير معاها في كل حاجة في المصاريف والمعاملة، زاد ضربه ليها كل شوية على أسباب تافهة، وأخر مرة خنقها وكانت هتموت في إيده»، سئمت الزوجة منه ولجأت لمحكمة الأسرة بالجيزة ورفع دعوى طلاق للضرر منذ خمس شهور ولا تزال القضية منظورة حتى الآن.
أقرأ أيضًا: دنيا في دعوى طلاق للضرر: «ضرب أبويا ورفع السلاح على أخويا»
تابع أحدث الأخبار عبر
