أماني في دعوى خلع: «خاني مع طوب الأرض وخايفة يترد في بناتي»
22 سنة من الصبر والكفاح مع زوج دائم الخيانة، فشلت السنين في إصلاح سلوك رجل تجري الخيانة في عروقه مجرى الدم، ما جعل الزوجة تدرك أن الانفصال هو الحل الأفضل لها ولبناتها الثلاثة، حيث ترعبها حقيقة كما تدين تدان وتخشى أن يحدث في بناتها ما يفعله الأب في الأخرين.
أقرأ أيضًا: عزة في دعوى نفقة: «5 سنين محاكم ومخدتش ولا جنيه والبنت هتطرد من المدرسة»
«سايبني أنا والعيال بقالي 9 سنين».. هكذا استهلت «أماني» قصتها مؤكدة على معاملة الزوج السيئة لها وأنه غير مهتم بمصاريف المنزل والأولاد، ما أدى لحدوث كثير من المشكلات ولكن الزوجة في كل مرة كانت لا تقرر الانفصال من أجل الأولاد، أضافت الزوجة: «كان معايا في الشغل وحبني واتجوزنا وأنا كنت شيفاه حد كويس ومحترم بس بعد ما تجوزنا معاملته اتغيرت معايا ومبقاش حنين وقلت مش مهم يمكن عشان احنا في الأول».
تابعت: «بعد عشر سنين من الجواز بقيت ألاحظ إنه بيخبي الموبايل مني ومش عايزني أشوف هو بيكلم مين خلاني أشك فيه لحد ما مسكت موبايله وفتشت فيه ولاقيته بيكلم ستات ولما واجهته قالي مفيش حاجة ودول زمايلي ومفيش حاجة بينا».
أقرأ أيضًأ: روان للقاضي: «ساب ولاده من غير مصاريف وراح اتجوز واحدة معاها 10 عيال»
بيعاكس بنت الجيران
تكررت خيانة الزوج عدة مرات ما أدى لزيادة الخلافات والمشكلات بين الزوجين وفي كل مرة كان الزوج ينكر وتابعت أماني: «في كل مرة كنت بشوفه بيكلم واحدة بيقولي دي زميلتي ومفيش حاجة بينا لحد ما في يوم مسكت الموبايل ولاقيت صور مع وخروجات مع ستات».
أكملت أماني حديثها: «وصلت بيه البجاحة إنه يكلم جارتنا من الشباك كدا عيني عينك وبيكرر الموضوع كل يوم لحد ما روحت كلمتها وقولتلها احترمي نفسك واحترمي جوزك».
بالرغم من أن مستوى الزوج المادي ممتاز إلا أنه بخيل في كل مصاريف المنزل والأولاد، تابعت الزوجة: «مبيسبش فلوس كفاية للبيت والعيال وكل مرة أقوله زود المصاريف يقولي كدا كفاية أوي عليكي وعلى العيال»، أكملت: «بيقينا نتخانق كتير أنا وهو بسبب المصاريف لحد ما جيه في يوم من 9 سنين سابنا وراح عند والدته ومنعرفش عنه حاجة وبقا يبعتلي 1700 جنيه كل شهر وبقا يجي البيت كل فترة يدينا الفلوس ويمشي تاني».
رفضت الزوجة الانفصال عن الزوج بسبب بناتها الثلاثة ورضيت بالأمر الواقع رغم المصاريف القليلة التي يتركها كل شهر وأكملت: «لما سابنا وراح عند والدته ناس كتير قالولي اتطلقي بس أنا مكنتش برضى عشان خاطر عيالي وكنت بقول طالما في مكان أقعد فيه وبيبعتلي مصاريف حتى لو قليلة بس أحسن من مفيش وبقيت رامية طوبته ومش هامنني هو عامل إيه حتى المهم معايا العيال".
عاد الزوج المنزل بعد وفاة والدته وطلب العيش مع الزوجة وبناته أنهت أماني حديثها: "بعد 9 سنين وهو سايبنا طلب مني إنه يرجع يعيش معانا بعد وفاة والدته وأنا وافقت وقلت مش مهم وجه فعلا بس من ساعة مارجع والمشكلات بدأت ترجع أكتر من الأول بكتير لحد مابقيت مش مستحملة خيانته وخايفة على بناتي ليحصل فيهم كده لما يكبروا.. وقررت في يوم إني أروح محكمة الأسرة وأرفع قضية نفقة وفعلًا رفعت دعوى خلع يوم 5-24 والحكم هيصدر يوم 7-29 الحمدلله".
أقرأ أيضًا: منار في دعوى خلع: «سبت له العيال ومشيت عشان مرتبي مش مكفيهم»
تابع أحدث الأخبار عبر
