ننشر نص اعترافات المتهمة بقطع العضو الذكري لزوجها بالمطرية: «كان لازم أندمه»
أسدلت الدائرة 29 بمحكمة جنايات شمال القاهرة، اليوم، المنعقدة بالعباسية الستار على محاكمة المتهمة بقطع العضو الذكري لزوجها في المطرية، وقضت بمعاقيتها بالسجن المشدد 10 سنوات.
نص اعترافات المتهمة في النيابة
قالت المتهمة الثلاثينية، إنها اشترت شقة سكنية منذ فترة، وسجلتها باسم زوجها، وعندما طلبت منه إعادة تسجيل الشقة باسمها رفض مستمرًا في مماطلتها.
وأضافت الزوجة، أنها قررت الانتقام من زوجها، وليلة الخميس أعدت له الطعام ووضعت له المخدر، وفور خموله انقضت عليه وقطعت العضو الذكري لديه بسكين وقالت: «كان لازم أندمه».
حصلت «الحادثة» على نص أقوال المتهمة بقطع العضو الذكري لزوجها في منطقة المطرية، وجاء في نص التحقيقات التي اجرتها نيابة شرق القاهرة الكلية:
س: ما تفصيلات اعترافك ؟
ج: ده زوجي عرفي مش رسمي وفعلا قطعتله العضو الذكري بسكين ورميته في الزبالة، أنا منفصلة عن زوجي الأول من 13 سنة واتعرفت على أسامة من حوالي سنتين وأنا كنت عاوزة اشتري شقة علشان عاوزة أقعد فيها لوحدي ومنفعش أخد شقة باسمي وأسامة كان معايا وأخدت أنا وهو شقة باسمه وأنا دفعت فلوسها .
س: وماذا حدث يوم الواقعة ؟
ج: كنا مش بنام مع بعض وأنا كنت بنام كل يوم لوحدي في الشقة في أوضة وكنت باخد برشام منوم كل يوم علشان أعرف أنام وهو بینام في أوضة تانية وكل ما أصحي الصبح ألاقي نفسي متبهدلة وكأن حد كان معاشرني جنسيا وفي يوم كنت نايمة وصحيت لقيته مقلعني هدومي وهو كمان كان عريان خالص وكان بيمارس الجنس معايا وكان حالته مش طبيعية زي ما يكون شارب حاجة، فأنا قلتله بتعمل إيه وبعد كده ببص لقيت فيه سكينة على الترابيزة جنب السرير ورحت على طول جبت سكينة وقطعت عضوه الذكري والحتة اللي قطعتها رميتها في الزبالة ورميت الزبالة في الشارع وسبت الشقة ومشيت.
اقرأ أيضا: التحريات تكشف لغز العثور على 3 جثامين.. تفاصيل «السهرة الأخيرة» في جراج الوراق
تابع أحدث الأخبار عبر
