منال للقاضي: «قلب البيت غرزة ولما اتخانقت معاه اتجوز واحدة تانية تحشش معاه»

16 سنة من الإهانة والضرب المبرح بسبب رفضها لأسلوب وسلوك الزوج المدمن للمخدرات بطريقة مفرطة، وتحول من مدمن لسارق لينفق على مزاجه العالي واختتمت مصائبه بزيجة ثانية من امرأة تشبهه في الطباع والمزاج، تاركا أم أولاده لمصيرها… لجأت الزوجة في النهاية إلى اللجوء للمحكمة ورفع دعوى خلع للتخلص من زوجها المدمن بعد رفضه لرغبتها في الطلاق بحكم أنها المسئولة عن مصاريف المنزل.

أقرأ أيضًا: منى في دعوى طلاق للضرر : "ناقص يبيعني عشان المخدرات"

«بيبهدلني أنا وعيالي».. بدأت منال حديثها وهي تحمل صغيرها، مضيفة أن الزوج أدمن المخدرات في الشهور الأولى من الزواج، خاصة مخدر «الآيس»، أكملت: «قاعد في البيت من ساعة ماتجوزنا ومبيصرفش على البيت جنيه ومش فالح غير في الشرب والقرف».

تابعت الزوجة: «في الخطوبة كان كويس معايا ومكنش باين عليه إنه بيشرب وكان شغال في مصنع والحمد لله الدنيا كانت مستورة بس من ساعة ما اتلم على صحابه وهو بقى واحد تاني وبقى يشرب مخدرات طول الوقت».

قالب البيت غرزة 

أضافت الزوجة وقد غلبتها الدموع: «اتخانقت معاه بسبب إنه بيجيب صحابه في البيت وأنا مش موجودة وأنا عندي بنتين كبار ويقعدوا يشربوا مخدرات وبقا قالب لي البيت غرزة».

أكملت منال حديثها: «بقى يبيع أي حاجة حتى عفش البيت عشان يجيب مخدرات ولو ملقاش حاجة في البيت بيسرق أي حد يدخل عنده البيت والناس بقت تشكيلي منه إنه بيسرق أي حاجة موجودة قدام شقق الجيران ولما روحت اشتكيت لأخواته مصدقونيش وقالولي انتي كدابة، لحد ما راح في يوم عند اخته وسرق منها خاتم دهب ومن ساعتها إخواته بقا مبيدخلهوش بيتهم».

أقرأ أيضًا: «مراهقة متأخرة».. منال :"راجع يحب ويتجوز بعد ما عياله بقوا طوله"

الزوجة الثانية

تحملت الزوجة لأقصى درجة تصرفات زوجها لمدة 10 سنوات حتى وصت الصبر منتهاه عقب دخوله عليها بزوجة ثانية، أضافت: «من خمس سنين لاقيته داخل عليا بواحدة وبيقولي دي مراتي، أنا قولت مش مشكلة وخليني قاعدة عشان عيالي وقعد معاها من ساعة ماتجوزها ومعرفش عني حاجة أنا والعيال وحاله اتبهدل أكتر لأن اللي متجوزها دي بتشرب زيه حشيش ومخدرات وبقوا يشربوا مع بعض وباعوا كل حاجة معاهم عشان المخدرات ودلوقتي هما مرميين في الشارع مش لاقين بيت يلمهم».

قرار نهائي بالانفصال

طلبت الزوجة الطلاق مرات عديدة من الزوج ولكنه في كل مرة كان يرفض ما جعلها تلجأ لرفع دعوى خلع بعد أن فاض بها الكيل، وأنهت منال حديثها: «مش راضي يطلقني عشان عارف إنه مش هيلاقي حد يصرف عليه غيري»، بدأت الزوجة بالفعل في إجراءات القضية منذ خمس شهور ولا تزال القضية منظورة في المحكمة حتى الآن.

أقرأ أيضًا: «واخد الدنيا بالدراع».. زوجة للقاضي: "مبيتكلمش معايا غير بالضرب"

تابع أحدث الأخبار عبر