«مخلف من اخته وبيعاشرها في بيتي».. أمل في دعوى خلع: خدت صدمة عمري
طرقات وقاعات محاكم الأسرة مليئة بالحكايات التي لا يمكن لأحد أن يتصورها، فهذه سيدة تبحث عن طلاق طالق انتظاره من رجل يدخل عليها أصدقائه في جلسات المزاج ، وتلك تنشد الخلع من زوج ماتت فيه النخوة وتركها فريسة للرجال والفقر.
محكمة الأسرة بالجيزة كانت على موعد مع إحدى أبشع حكايات الزوج والتي تتخطى حدود العقل والمنطق وتنتهك حرمات محرمة بنص ديني من فوق سبع سموات.
أمل زوجة في نهاية الثلاثينات، تحدت الجميع في تصديق حكايتها واستهلت: تعرفت عليه واتجوزنا وكانت حالته المادية كويسة ومكانش فيه بينا أي خلافات وكان مخلف بنت وعندها 6 شهور ولما سألته قال لى كنت متجوز قبل منك وأمها رمتها لي ومشيت.
وأضافت الزوجة: كنت بعامل البنت كأنها بنتي وكانت عايشة معايا بس الغريب البنت مكانش ليها شهادة ميلاد وكنت كل ما أسأله يقول لي مامتها رفضت تسجلها .
الزوجة استكملت: قعدنا 5 سنين متجوزين وكانت حياة عادية بخلافات بسيطة وحملت في ولد وخلفت بعد سنة من الجواز، مرضيش يسجل الولد باسمه وقال لي سجلي البنت باسمك وهسجل الولد استغربت كلامه وبعد محاولات كتيرة قلت دى طفلة ملهاش ذنب وكنت هوافق والحمدلله إني موافقتش.
أقرأ أيضا: زوجة حسن شاكوش في بث مباشر: «عنده عيب اتكسف أقوله وهطلق منه»
مفاجآت غير متوقعة
بصوت محبوس ونظرات تحمل الكثير من الندم والحسرة علي عمرها الضائع مع الشخص الخطأ تضيف الزوجة: قلبي مكانش مرتاح لعلاقته بأخته وكنت حاسه إن فيه حاجة لحد ماعرفت إن بنته اللي مخلفها دى مخلفها من "اخته" كنت في حالة صدمة وذهول واحساس بالقرف قال لي مش هسجلك الولد إلا لما تكتبي البنت كمان وابني بقا عنده 4 سنين ومكنتش عارفة اعمل أي واتصرف إزاي وقلت البنت ملهاش ذنب في اللي بيحصل ده وقلت دي غلطة، وربنا بيسامح لحد ما لاقيته جايب لي أخته تقعد معانا في الشقة والغلطة بقت مستمرة وبيبقى قدام عيني ولما جيت اتكلم قالو لي احنا بنحب بعض وعادي ومكملين.
أقرأ أيضا: سمية في قضية الخلع: « مش راضي يخس وعايز صينية بطاطس الساعة 2 بالليل»
استكملت الزوجة وهي تحمل رزمة من الأوراق الرسمية: طلبت الطلاق مكانش راضي يطلقني وأنا كانت حالتي المادية كويسة مكنتش محتاجة له في حاجة غير إنه يسجل الولد وكان رافض تماما، سيبت البيت وروحت قعدت عند أهلي وكانت المفاجأة لما عرفت إنهم تجار مخدرات.. كانت صدمة ليا.
استمرت الزوجة في الحديث: ربنا سهل لي أمورى وعرفت أسجل الولد من وراه وخايفة يعرف لأنه بيهددني بالقتل يا إنا ارجعله واسجل بنته يا يقتلني وحاليا رافعة عليه قضية خلع لأنه يستحيل إني أعيش في القرف ده، ندمانة على نفسي وعلي اللي عرفته وابني اللي ملهوش ذنب في اللي بيحصل ده.
تابع أحدث الأخبار عبر
