«لاقيتهم منزلين الشبكة».. محمد :"المحامي قالها اطلقي منه وهتجوزك"
“المحامي قال لها اطلقي منه وهتجوزك “هكذا بدأ ”محمد” حديثه بتلك العبارة التي تخرج منه بصعوبة وألم على حياته مع زوجته وبأسرار يستحي منها اللسان وبنظرات الندم والحسرة، قدم محمد بدعوى إبطال أو إسقاط نفقه زوجية رقم 33.
أنا عايزك وشاريكي
أضاف محمد: "كنا متجوزين كان فيه صلة قرابة بينا، وكان فيه حب، وكان عندها مشكلة في السمع بس أنا قولت مش مشكلة واتجوزنا وخلفنا ولد، بعد الجواز بدأت حياتنا يبقا فيها خلافات بسبب فرق مستوي التعليم، كان عندها فوبيا "النضافة" كانت ممكن تتخانق معايا علي أي حاجة".
استكمل: "اتخانقت معايا قبل كده بسبب أنها شافت محادثة بيني وبين زميلتي بنتكلم في الشغل وعملت مشكلة كبيرة وراحت عند أهلها، وحاولت ارجعها مرضيتش وراحت وهي علي ذمتي رفعت قضية "نفقه ليها وللطفل و قضية فرش وغطا"، وكنت شغال في شركة أدوية وكان مرتبي كويس وبجيب لها كل اللي نفسها فيه ولمه غضبت مرضتش أني أديها فلوس ومكانتش بتخدمني ولا تعمل أكل ومفيش تحمل مسؤلية".
أقرأ أيضا: «حماتي خربت بيتي»،.. «علا» في دعوى نفقة: سرقت عفش البيت وأخو جوزي ضربني
تابع: “بعد سنتين من الجواز وكتر المشكل اطلقنا طلاق رسمي وكل واحد في حاله وببعت مصاريف لابني بعدها رجعنا تاني وخدتها وقعدنا في شقه ولدتي المتوفية وكتبت علي نفسها ورقه إن في حاله الطلاق مره آخري ملهاش الحق في أي حاجة وحصلت مشاكل تاني وقواضي وراحت عملت خلع والشغل عندي بيخصم تلقائي نفقه ليها هي وأبني , روحت رفعت إبطال نفقه ليها لأنها خلعت” .
مفاجأة غير متوقعة
استكمل كلامه قائلًا : "وكانت المفاجأه لمه عرفت بعدها إن المحامي ضحك عليها أنا عايزك وشاريكي واطلقي وهتجوزك وهقف معاكي ومشيت ورا كلامه لحد ما لبست في حيط وكانت لسه علي ذمتي قبل مترفع الخلع وبفتح "الفيسبوك" لاقيتها منزلة الشبكة هي والمحامي.
غلبت الدموع عيون الزوج وبحرقه قلب مستذكرًا: "أنا مكنتش وحش معاها وحرمتني من ابني وبتخليني اشوفه بالساعة، ولو قعدت مع ابني بتخلي أخواتها يقعدوا معانا ونفسي أوديه عند اهلي يشوفوه وهي مش بترضا لدرجة إن ابني ميعرفش "عمامه" حتي لمه وريته صورهم قالي مش عارفهم وهو عنده دلوقتي 7سنين وفي المشاكل دي بقالنا 3 سنين".
تابع أحدث الأخبار عبر
