هددني في شرفي وسمعتي|زوجة تستغيث: "دخلت عليه لاقيته بيتحرش بابنه.. وعاوز ياخد مني حضانة البت"
"بعد 7 سنين جواز اكتشفت إنه بيضرب مخدرات".. بتلك العبارة التي تخرج بصعوبة وألم وكأنها مجبرة على البوح بأسرار يستحي منها اللسان، استهلت “سحر” قصتها التي يمكن أن تتحول لقصة سينمائية من النوع المبكي.
هددني في شرفي وسمعتي
تضيف السيدة التي تخطت حاجز الثلاثين بعامين: «كنت متجوزه ومعايا ولد وأبوه توفى وأنا من قرية في بلد أرياف جه اتقدم لي وقال لي هنتجوز وهتكفل بابنك دا زي ابني وأنا وافقت».
تغلب الدموع أعين الزوجة لتنساب في حرقة مستذكرة ما مضي من سنوات عذاب قبل أن تضيف: بعد 3 شهور من الجواز اكتشفت إنه واحد تاني خالص غير اللي أتقدم لي وكان شغال سواق وكان بيضرب «ترامادول».
تابعت: «خلفت منه بنت ومكانش بيصرف علينا وكنت أسيب بنتي مع أخوها الكبير وأنزل اشتغل وكان متجوز قبل مني ومعاه أولاد وكل حاجة كانت رايحة لولاده التانيين وكاتب كل حاجة باسمهم».
الزوج يتحرش بأولاده
توقفت فجأة عن الكلام وتسمر بصرها صوب أولادها وكأنها تعتذر منهم لاختيارها هذا الرجل الذي لم عهد ولا ذمة ولا أمانة، لتضيف في آسى: «كان ابني بيقول لي يا ماما بيعملي حاجات مش كويسة وأنا كنت بكدب نفسي وأقول له معلش أكيد مش قصده» وسكتت الأم فجأة قبل أن تستطرد بسرعة وهي تشيح ببصرها ناحية ابنها «هو يحكيلك عمل فيه إيه»، نظر الطفل بخجل شديد ولم ينطق».
واستكملت الأم حديثها: «دخلت عليه لاقيته بيتحرش بالولد وطلبت منه الطلاق وقال لي هتتنازلي عن كل حاجة وافقت واطلقنا وربنا كرمني واشتغلت ولما بدأت حياتي تستقر بدأ يرجع تاني بعد سنتين ويعملي فضايح، ويقول عليا كلام يمس سمعتي وشرفي، وعلى مواقع التواصل الاجتماعي ينزل صوري وأنا منتقبة، ويحط أرقام شغلي ويكتب عليها حاجات مش كويسة تمس سمعتي، وأنا في مركز في بلد أرياف، روحت عملت له محضر في مباحث الإنترنت ومحضر عدم تعرض، وأخدت عليه حكم شهر بالحبس وكنت كل ما اشتغل في مكان يعملي مشاكل وفضايح ».
عادت الدموع لتنساب بحسرة وقهرة من عيون الأم وهي تستعيد ما حدث مع ابنتها والتي تخشى عليها الزمن ومن أقرب الناس إليها وهو أبيها والذي بات هو الخطر الأكبر عليها وتضيف: «بعد الطلاق لما كنت أقول له تعالى شوف البنت ميرضاش ويجي كل فين وفين وكان لما يشوفها بيلمس أجزاء «حساسة» من جسد البنت ورافع عليا قضية ضم حضانة للبنت وبيهددني بالقتل وفي شرفي وسمعتي».
تابع أحدث الأخبار عبر
