مدير أعمال الفنان مصطفى شعبان عن "فيديو عربة الجولف": لو حقيقي يبقى إدانة ليهم
استنكر مدير أعمال الفنان مصطفى شعبان وليد محمود، محاولات مسئولي قرية مراسي، نشر فيديوهات تنفي علاقتهم بواقعة وفاة ابنته أميرة، خاصة بعد إصرارهم على التعتيم - على حد تعبيره، مشيراً إلى أنه فوجئ بظهور فيديو جديد يوضح أن ابنته قد استقلت عربة الجولف بسرعة جنونية.
استقلت عربة الجولف بسرعة جنونية
وقال “محمود” في تصريحات خاصة لـ "الحادثة": "الفيديو وصلني امبارح من مدير القرية بس من غير تاريخ أو ساعة، فأنا مش عارف أصلًا اللي في الفيديو دي بنتي ولا مش بنتي، لأنه مش واضح في الفيديو اللي شوفناه ملامح أشخاص".
وتابع: “النيابة النهاردة فرغت الكاميرات”، أما عن الفيديو:"لا تعليق، لأنه لو الفيديو ده حقيقي برضو ده فيه إدانة كبيرة للقرية.. إزاي اللي تسوق عربية الجولف كار بنت في العمر ده".
وأضاف: "صاحبتها اللي كانت سايقة العربية وده أمر مش طبيعي طفلة في العمر ده تسوق بالسرعة الجنونية دي، وزي ما شوفنا في الفيديو بتعمل "زجزاج" بالعربية"، مشدداً: “ده أمر مش طبيعي وفيه إدانة لقرية مراسي”.
اقرأ أيضا : مدير أعمال مصطفى شعبان: بحمل قرية مراسي مسئولية وفاة ابنتي
تفاصيل دهس “أميرة” في الساحل الشمالي
وحصل موقع الحادثة على تسجيل صوتي خاص، لمدير أعمال مصطفى شعبان وليد محمود يكشف فيه تفاصيل ما حدث لابنته، مؤكداً بحمل قرية مراسي مسئولية وفاة بنتي.
وقال وليد محمود مدير أعمال الفنان مصطفى شعبان في تسجيل صوتي لـ"الحادثة": أنا مبتهمش حد لحد دي الوقتي بحادثة وفاة بنتي، اتحكالي أكثر من رواية للحادثة.. لكن بحمل قرية مراسي المسئولية كاملة عن وفاة بنتي".
وتابع "محمود": “القرية قصدت التعتيم على الحادثة.. كل شبر في القرية فيه كاميرات.. للأسف مفيش ولا كاميرا مصورة الحادث”، موجهاً رسالة لمسئولي القرية قائلاً:"بطالب القرية يطلعوا الكاميرات اللي صورت".
تابع أحدث الأخبار عبر
