كان غلبان وعملت له أكل فسرقني.. قاتل صديقه بعابدين: «قطعت رجليه وإيديه بصاروخ وخبيت باقي الجثة تحت السرير»
كشفت نص تحقيقات النيابة في جريمة قتل مدرب لصديقه بطريقة بشعة عقب تقطيع جثته بصاروخ كهربائي عن تفاصيل مدوية هزت منطقة عابدين بالقاهرة، حيث بدأ وكيل النائب العام التحقيق مع المتهم في القضية.
اعترافات المتهم بقتل صديقه في عابدين
واعترف المتهم بتفاصيل ما حدث ردا على سؤال النيابة أنه في يوم السبت 14 يناير 2013، فوجيء بجاره (أشرف) المجني عليه ينادي عليه من أسفل البيت ولما أطل عليه من الشرفة وسأل عن السبب أخبره أنه يريد أن يصعد للبيت ليحصل على الغذاء كونه جائعا، مصيفا «أنا طلعته عشان أعمله أكل لأنه غلبان ولما طلع عندى طلب منى اعمله كوباية شاى قبل الأكل فأنا دخلت المطبخ عشان اعمله أكل وخرجت في الصالة لقيته ماسك الشنطة بتاعتى وأول ما شافنى على الكرسى اللى في الصالة، فانا قولتله انت بتعمل إيه بالشنطة بتاعتي فقالى بدور على السجاير والولاعة فأنا دورت في الشنطة ولقيت 300 جنيه ناقصين، ولما قفشته لقيت معاه الفلوس في جيب قميصه».
ضربته وداخ
وأضاف المتهم في تحقيقات النيابة "روحت ضربته في وشه وفى رأسه فهو داخ ووقع من الضربة على طرف الترابيزه اللى في الصالة ونزل دم من راسه، وفضلت حوالى 10 دقايق لغاية ما اتأكدت إنه مات، فروحت جبت سكين من المطبخ وضربته في رأسه وفى صدره، وبعد كده نقلته للحمام وفتحت عليه حنفية الدش عشان اغسل الدم بتاعه».
وتابع المدرب المتهم في اعترافاته للنيابة: «بعد كدة فكرت إزاي اتخلص من الجثة فقلت في بالى لازم اقطع جثته حتت كبيرة عشان اعرف اتخلص منها في أكتر من مكان ومحدش يكشف اللى عملته، وحاولت اقطع جثته بالسكينة بس منفعش، فجت في دماغى فكرة إنى أجيب صاروخ كهربائى من عند جارى عنده محل، فروحتله الورشة وخدت منه الصاورخ وعلمني إزاي اشغله».
قطعته بالصاروخ
وأضاف المتهم "رجعت البيت تانى وشغلت الصاروخ وقطعت جثة أشرف وبدأت بالدراع اليمين وبعد كده دراعه الشمال وبعد كده رجله اليمين قطعتها على 4 حتت ورجله الشمال على 4 حتت، وبعد كده فصلت راسه عن جسمه وحطيت أجزاء الرجلين في سبع شنط والجزء اللى فوق لفيته في كرتونه وحطيته تحت سريرى اللى في اوضتى، وكمان حطيت الراس في شنطة في نفس المكان تحت السرير وحطيت الشنط في الدولاب ورشيت عليهم ديتول وكلور عشان الريحة، ونضفت الشقة .
اقرأ أيضا: «تعالي هديكي الامتحان».. المؤبد لمدرس تحرش بطالبة فى البحيرة
وكشف المتهم: "تانى يوم نزلت بـ3 شنط فيهم الذراع الشمال وأجزاء الرجل الشمال وطلعت بره البيت ورميت شنطة في شارع بورسعيد في السيدة زينب والشنطة التانية رميتها جنب مدرسة والشنطة التالتة سيبتها في أتوبيس نقل عام وبعد كده رجعت على البيت، وتخلصت من باقي الشنط في نفس الأماكن وفى شنطة كان فيها لبس اشرف رميتها في عربية زبالة.
اقرأ أيضا: علقة ساخنة من شاب لعروسه بالشارع فى «ليلة الدخلة» بدمنهور .. فيديو
تابع أحدث الأخبار عبر
