أغرب قصص محاكم الأسرة.. «ناني خلعت جوزي علشان المصيف.. والتاني بيبيع شرفه على النت»

محكمة الأسرة مليانة بلاوي وقصص لستات كتير،  وبتختلف أسباب كل قصة لكن في النهاية مادام وصلت للمحكمة يبقي الست جابت أخرها خلاص، وفي دعوات كتير بيكون أسبابها متتصدقش أصلا وتضحك لكنها بتكون تراكمات على الست لحد ما فاض بيها ، كل قصص الأسرة ودهاليز محاكمها ستجدها ببرنامج  ست وراجل تقديم آية مساعد .

حكاية الست نانى مع محاكم الأسرة

تقول آية مساعد ببرنامجها الذى يذاع على قناة الحادثة ، إن من بين القصص قصة الست ناني اللي جت عشان تخلع جوزها ، والسبب إنه راجل بخيل أوي ، ومش راضي يوديها تصيفي في بالي اه والله زي ما بقولكم كده خلعته عشان المصيف، الست ناني بتقول أنها أتجوزت من 6 شهور وده وقت كبير جدا بالنسبالها.

 خلعت جوزى علشان مش عاوز يودينى المصيف 

 "ورغم أن جوزها راجل غني والقاشيه معدن ، إلا أنه راجل بخيل ، ومش عايز يوديها تصيف مع صحبتها الأنتيم في جزيرة بالي، وعشان نتانته دي راحت قدمت طلب في مكتب تسوية المنازعات الأسرية وبعدها على طول دعوى خلع ، قالت فيها أنها مش قادرة تعيش معاه تأني خلاص عشان الراجل البخيل ميتعاشش معاه ابدا ، ولما وقفت قدام القاضي قلتله الراجل الظالم ده حوّل حياتي لعذاب، وخلاني أرفع دعوى خلع ضده، وأتنازل عن جميع حقوقي الشرعية والمادية بسبب أني كل ما اطلب منه حاجة يرفض، وشايف إن كل دي مكملات مش أساسيات، وبيخاف على الفلوس قد عنيه، وفعلا المحكمة قبلت شكوى ناني اللي حياتها صعبة جدا ربنا يوعدنا، بعد ما قدمت المحامية بتاعتها دعوى في محكمة أكتوبر ،واتقبلت وقدرت ناني تخلع جوزها البخيل".

أقرأ أيضا: الطلاق الإلكتروني.. حكمه شرعا وفي القانون ومتى يقع؟.. شاهد حلقة «ست وراجل»

تستكمل آية مساعد فى برنامجها الذى تقدمة عبر موقع  “ الحادثة ” ، أن من أغرب الدعاوى التى شهدتها محاكم الأسرة سببها نادي الزمالك ونكده على جمهوره، تقول  ليلي للقاضي ، كل ما الأهلي يجيب جون يضربني هو انا اللي بلعب .

متجوزة عيل

في دعوى التالته في حلقة النهاردة قالت منى أنها حاسة أنها متجوزة عيل صغير معشش طفولته ، وكمان ضعيف الشخصية، وبيعيط لو قولتله انا نازله من البيت ، ودي حقيقي أغرب دعوى سمعت عنها ما علينا .

مش عاوز يجب خدامة

الدعوى الجاية دي بقى دي بقا ضحكتني أوي بصراحة جت موديل شيك جدا لمحكمة الأسرة ، وسط الاف الستات المطحونين ، واللي كانوا بيبصولها وبيقولو ودي ايه اللي جابها هنا دي، والسبب اللي جابها كان إن جوزها رافض يجيب لها خدامة وعايزها تعمل شغل البيت كله.. وهي قالت الكلمتين من هنا والقاعة كلها سكتت.

بيبيع شرفة على النت

القضية دي بقا غير.. الراجل يستاهل الحقيقة جت الست نادية واستغاثت بالمحكمة وقالت يا ناس الحقوني من الراجل اللي الفلوس جننته وبيبيع شرفه على النت ده بعد ما اخينا عمل قناة يوتيوب وحلف على مراته بالطلاق لتطلع ترقص عليها ، وتسلي وقالت ناديه  كان بيخليني البس لبس ملفت وعريان أحيانا وأظهر بشعري رغم إني محجبة.
بكدا تكون خلصت حلقتنا النهاردة اللي كانت كلها ساسبنس وحكايات وطبعا حكايات محاكم الأسرة مبتنتهيش، استنونا في حلقات تانية جاية، بس اعملوا لايك وشير على فيس بوك وسابسكرايب على يوتيوب

تابع أحدث الأخبار عبر