هبة في دعوى طلاق: «بعد غربة وصبر 14 سنة اتجوز عليا ورماني في الشارع»
بعد تحملها سنوات من العيش وحيدة دون سند من أجل توفير حياة أفضل لنجلها تخلى عنها الزوج التي ضحت بشبابها لأجله، وتزوج عليها بفتاة من سن أولاده، ألقتها في النهاية بالشارع ونجلها وضاع كل شيء على أبواب محاكم الأسرة.
دعوى طلاق للضرر
قالت "هبة" بصوت مكسور إنها تزوجت قبل 14 عاما من شخص صديق لأحد أقاربها وتعرفا إلى بعضهما البعض بعد عدة مناسبات عائلية جمعت بين الطرفين، وأعجب كلاهما بالآخر وتقدم الشاب لخطبتها، ووافقت أسرتها وتمت الزيجة بعد عام من الخطبة وسط حفل بهيج حضره الأهل والأصدقاء.
فادية في دعوى طلاق وتبديد منقولات: ولع في الشقة لما طلبت الطلاق
أضافت الزوجة في دعواها أمام محكمة الأسرة، "بعد أقل من سنة قرر يسافر يشتغل برا مصر لأن كان عندنا أقساط شقة ومصاريف كتير من الجواز عايزة تندفع، وسابني وأنا حامل وسافر عشان لقمة العيش اللي كانت تأمن حياتنا وحياة ابننا اللي لسه جاي".
محكمة الأسرة
تابعت الزوجة:“ كان بينزل كل سنتين مرة واستحملت عشانه وعشان ابني ضيعت عمري معاه وكنت فاكرة إن هو كده اللي هيضمن لابني مستقبل أحسن، لكن بعد 14 سنة غربة رجع من السفر كان كل اهتمامه إن شكلي اتغير ومبقاش شباب زي زمان، وقالي “أنا حاسس إني هضيع عمري معاكي عشان كده قررت اتجوز تاني وحقك وحق ابنك مضمونين”.
صاحبه عملي لايك على فيسبوك.. أغرب قضية طلاق بمحاكم الأسرة
تقاوم الزوجة الكلمات واستكملت:“ معداش على تهديده شهرين ولقيته فعلا اتجوز وجاب بنت صغيرة أهلها طمعانين في شقى عمره في الغربة وطلبوا منه طلبات خرافية، وجابها تعيش معايا في نفس البيت لأنه كان اشترلنا شقة كبيرة في منطقة راقية جدا، لكن بعد شهر بدأت تقوله إنها مش مرتاحة وإني مضايقها وبتضرب ابني، وفي مرة رجعت من عند أهلي لقيتها مش عايزة تدخلني وطردتني بابني في الشارع، ولما كلمته قالي روحي عند أهلك وأنا هجبلك شقة ثانية صغيرة على قدك أنت وابنك”.
لجأت الزوجة إلى محكمة الأسرة لرفع دعوى طلاق للضرر ودعوى نفقة ضد زوجها الذي تخلى عنها من أجل فتاة أخرى، وقضت المحكمة بقبول الدعوى وتطليق الزوجة مع حصولها على كافة حقوقها القانونية.
