زوجة في دعوى خلع: «هادي أوي وابن ناس وأنا عايزة واحد عنيف»

قدمت زوجة في الثلاثينات من عمرها طلب خلع من زوجها أمام محكمة الأسرة في الكيت كات وذلك بعد زواج دام 4 سنوات، حيث قالت في الشكوى سبب الخلع إنه "رومانسي زيادة عن اللزوم" وأنها ترغب في زوج قاس وشديد الطبع والحديث.

محكمة الأسرة 

قالت الزوجة "أنا عايزة الحياة ليها طعم نتخانق من فترة لفترة، لكن على طول هدوء ومفيش مشاكل ومش بيتعصب لدرجة شعوري بأنه بارد وضعيف الشخصية".

بسمة في دعوى خلع: كان شحات ولما نضفناه اتجوز عليا

وتابعت "جوزي اتقدم لأهلي وكان شاب محترم ومتدين وأكبر مني بـ 9 شهور، وافقت واتخطبنا وجهزنا الشقة مع بعض علطول بيتناقش معايا بكل هدوء مفيش عصبية خالص حتى في الخناقات".

دعوى خلع 

وأضافت " اتجوزته وفضلنا 4 سنين مع بعض، بحاول في الخناقات اعصبه عشان يكون قاسي لكن دايما يلم المشكلة سواء غلطان أو لا، وعلى فكرة هو بيغير عليا جدا وصارم وشديد في قراراته في شغله مع الناس، لكن معايا بيكون رومانسي دايما لكن أنا عايزاه عنيف يتعصب عليا ونتخانق بعد كدة يرجع يصالحني".

وأنهت حديثها قائلة “قعدت معاه كتير افهمه إني عايزاه عنيف وشديد معايا في المعاملة، لكن هو مش عايز كدة، فطلبت منه الانفصال فرفض” .

لجأت الزوجة إلى محكمة الأسرة لرفع دعوى خلع حملت رقم 1452 لعام 2022، وقضت المحكمة بقبول الدعوى وتطليق الزوجة .

مرام في دعوى خلع: رماني أنا وبنته واتجوز مديرته في الشغل

تابع أحدث الأخبار عبر