«بص ياعم أنا ست شمال»… ننشر نص التحقيقات مع المقاول قاتل زوجته المغربية بالزمالك
حصلت “ الحادثة ” على نص تحقيقات النيابة مع المقاول المتهم بقتل زوجته المغربية بسبب شكه في سلوكها داخل شقته في منطقة الزمالك بالقاهرة ، حيث بدأ المحقق سؤال المتهم وواجه بالتهم الموجة له فكانت اعترافاته كالأتى:
ننشر نص التحقيقات مع المقاول قاتل زوجته المغربية بالزمالك
س:ما موطنك؟
ج :“انا من الشرقية ”
س: وما حالتك الاجتماعية ؟
ج: “انا متزوج من اثنين والتالتة هي المجنى عليها”
س: كيف تعرفت على المجنى عليها سناء الزاهى؟
ج:“هي كانت شغالة في الكوافير بتاع اختى”
س: وما الذى تلاحظ لك حال مقابلتك لها أول مره ؟
ج:“انا شوفت انها انسانه كويسة ”
س: ومتى وأين تقابلت مع المجنى عليها لأول مره ؟
ج: “ أنا أول مره شوفتها في بيت اختى في حدائق الأهرام ”
س :"وما الذى حدث عقب ذلك ؟
ج: “انا قابلت سناء مرة تانية في كافيه ،وكانت مع اختى وجوز اختى وطلبوا منى اتجوزها عشان تقدر تعيش في مصر وتعمل إقامة فتجوزتها ”
س: وما هي المدة الزمنية التي استمر فيها زواجك من المجنى عليها ؟
ج: “هي استمرت اشهر وطلقتها شفاهه ورديتها لعصمتي مره أخرى بعدها بحوالي عشرين يوم ”
س: وهل من ثمة خلافات درات بينكما خلال فترة زواجكما ؟
ج: “هي كانت بتغير عليا من زوجاتي الأخرين عشان بكون معاهم أغلب الوقت ،وكانت مضايقة وعايزانى اقعد معاها أكتر من زوجاتى التانيين ”
س: وما سبب توجهك لشقة للمجنى عليها ؟
ج: “انا كنت رايح اقعد معاها كم يوم في الشقة اللي اشتريتها في حدائق أكتوبر”
س: وهل قمت بالاتصال بالمجنى عليها سناء الزاهى قبل حضورك لها ؟
ج :“ايوة انا كلمتها كتير ، وكان تلفونها مشغول وبعتلها على الواتس اب ، ومكانت بترد عليا ، وبعد كدة ردت وقالتلى انها بتكلم واحده صاحبتها ”
س: وما الذى حدث حال وصولك للعقار محل الواقعة ؟
ج :“انا كنت طالع لمراتي معايا شنطتين فيهم هدومى”
س: وما هي الحالي التي شاهدت عليها المجنى عليها آنذاك؟
ج :“ انا لقيتها سكرانة وكان فيه سيجارة حشيش محطوطة في الطفاية ”
س: وهل وجدت أي زجاجات خمر بمسكن المجنى عليها ؟
ج :“ لا بس كان باين من ريحة فمها وهى بتكلمنى ”
اقرأ أيضا: انفراد.. نص تحقيقات النيابة مع المتهم بقتل أمه بالمطرية.. خنقها بإيشارب أثناء نومها
س: وما مضمون الحوار الذى دار بينكما ؟
ج :“ انا أول لما طلعت سلمت عليها سألتها أنتى تلفونك مشغول على طول ، فردت عليا ، وقالتلى انا كنت بكلم صاحبتي فمسكت التلفون بتاعها ، وخليتها تفتحه وقعدت ادور لحد لما لقيت برنامج اسمه بلاك بوكس ، وده برنامج خاص بتسجيل المكالمات وسمعت مكالمات بينها وبين ناس تاني ، ولما لقيتني بشغل المكالمات خدت منى التلفون ، ودخلت الحمام ،وقفلت عليها ولما خرجت رمت التلفون على الأرض عشان تكسره” .
س: وما التصرف الذى بدر منك عقب خروجها من الحمام ؟
ج :"انا قولتها انتى كده فاكره أنى خلاص مش هاعرف اسمع باقي المكالمات قالتلى انت مش مهتم بي ومش بتصرف عليا ، وبص بقى ياعم انا واحدة شمال ،وراحت قعدتك على الكنبة ،وكانت ماسكة سكينه في ايدها ، وزقت الترابيز برجليها جت في رجلي ، وانا اتعصبت وتخانقت معاها وخدت السكينه من ايدها وروحت طاعنها 3 طعنات في الصدر والبطن ، لدرجة أن نصل السكين اتكسر جوة بطنها ، ولميت هدومى ونزلت وروحت سلمت نفسى لأقرب قسم شرطة وبلغت عن الواقعة .
