عماد للقاضي: «مش راضية تنام معايا في أوضة واحدة وبتألف أسباب»
أقام عماد دعوى نشوز ضد زوجته في محكمة الأسرة بسبب إهمالها له وللمنزل من أجل فيسبوك.
وقال الزوج إنه تزوج قبل 6 أشهر بطريقة تقليدية من فتاة رشحتها له والدته لحسن خلقها وجمالها
وذهب عماد ليرى العروس وأعجب بها ورغم مغالة العروس في طلباتها لكنه وافق على كافة طلباتها وتزوجا بعد عام واحد من الخطوبة .
«من أول يوم جواز وهي مابترضاش تنام معايا في أوضة واحدة وقلت يمكن عشان مش واحدة عليا ولا على البيت الجديد ، قالتلي مش هطبخ قلت وماله عروسة جديدة وبتدلع بس لقيت إن الدلع طول.. 3 شهور على الحال ده» هكذا برر الزوج عماد مأساته.
وأضاف “اتكلمت معاها براحة ماسمعتنيش ووالدتها كلمتها ووعدتني هتتغير لكن مافيش فايدة.. وفي الآخر راحت قاعدت عند أهلها ”.
لجأ الزوج إلى محكمة الأِسرة بدعوى نشوز ضد زوجته حملت رقم 1160 لسنة 2023 ومازالت منظورة.
