لو مراتك رفعت عليك قضية خلع معندكش إلا حل واحد

في حلقة انهاردة من "ست وراجل" على موقع الحادثة، استعرضت مقدمة البرنامج آية مساعد الإجراءات التي يمكن للزوج اتخاذها في حال رفعت عليه الزوجة دعوى خلع.

وقالت مقدمة البرنامج، ستات كتير بتلجأ لقضايا الخلع عشان تنهي العلاقة الزوجية، وبغض النظر عن هي عندها حق ولا لأ، بس في النهاية بتاخد حكم بالخلع، وبيتم تطليقها من الزوج رغم أنه لأن زي ما قلنا قبل كدا لا فيه استئناف ولا طعن على أحكام الخلع طبقا للفقرة الأخيرة من المادة 20 القانون رقم ١ لسنة ٢٠٠٠ المعروف باسم قانون الأحوال الشخصية أو قانون الأسرة الجديد، اللى بتقضي بعدم جواز استئناف الحكم الصادر في دعوى الخلع.

دعوى "صورية مقدم الصداق"

طيب هنا الزوج يعمل إيه.. هو مفيش قدامه غير حل واحد هو أنه يرفع دعوى اسمها صورية مقدم الصداق وإثبات المهر الحقيقي وده بيكون بهدف تعطيل الخلع، وممكن في الحالة دي الست تتنازل عن دعوى الخلع اللي رفعتها عشان متدفعش المهر الحقيقي للزوج وتدي دعوى الخلع كارت أحمر.
طب إيه هي دعوى صورية مقدم الصداق هي دعوى  بيقدمها الزوج عشان يثبت المهر الحقيقي اللي دفعه  للزوجة ومتكتبش في عقد الجواز، هشرحلك ببساطة دعوى الخلع أساسها إيه أن الست ترد لجوزها المهر عشان تخلعه فهو يروح المحكمة ويقول لا المهر اللى في القسيمة ده مش الحقيقي ده فيه مهر حقيقي عايزين نثبته، وهنا الموضوع يتحول لدعوى إثبات المهر الحقيقي قبل ما المحكمة تحكم بقبول الخلع وده بيعطل قضية الخلع ويخلي إجراءاتها طويلة. 

ميرنا لمحكمة الأسرة: الزواج ممل مش عايزة أكمل

في مجتمعنا كلنا عارفين أن مقدم الصداق  صوري ومش هو المهر الحقيقي اللي الزوج دفعه وبيتكتب في قسيمة الجواز جنية واحد بس وده المتعارف عليه بين الناس.

تابع أحدث الأخبار عبر