حكاية 15 سنة جواز.. بدأت في قسم الشرطة وانتهت بالسجن
الخير والشر موجودين طالما هناك بشر على وجه الأرض، وستظل الفضيلة باقية طالما كانت هناك نفوس صالحة تحارب الرذيلة وتقف في وجهها، وفيما يلي سنتعرف سويا على واحدة من الوقائع التي شغلت الرأي العام، وكيف دخل التاجر الغيور إلى حد تبادل الزوجات.
برنامج جريمة حب، تطرق خلال حلقته المذاعة على موقع الحادثة لواقعة تبادل الزوجات من أجل خطف لحظات من المتعة الحرام، تابعوا الحلقة..
لا يختلف البشر باختلاف الدول أو الأديان، أو اختلاف الحضر والريف، بلاد الحريات أو دول القهر، كل المجتمعات ستجد فيها تلك الجريمة اللي هحكيهالكم النهارده، لكن اللي بيفرق بين الدول مقدار شيوعها أو ندرتها، معلنة ولا في الخفاء، وبرده بتفرق في التسمية.
القصة النهارده ليها مسميات كتير ، تبادل الأزواج، بيع الزوجات، المتعة الحرام، وكتير من المسميات لكن بيتحدد المسمى على حسب الدافع، أن كان من أجل المتعة وده غالبا اللي بيعملوها بيبقى ليهم دوافع جنسية شاذة، وفيه اللي بيعملها من أجل المال، وده أكيد بيكون أتخلى عن كل ذرة مروءة، وبقى عبد للمال، بس تفتكروا ده ممكن يعمل كده من أجل المال بس، ما اعتقدش، أكيد فيه حاجة ثانية هي اللي مسيطرة عليه.
الحادثة بتاعتنا النهارده فيها مفارقة غريبة، ابتدأت بقسم الشرطة وانتهت بعد ١٥ سنة في قسم الشرطة
بطل الليلة كانوا مسميينه البرنس، لأنه كان تاجر كبير رغم صغر سنه وكان الوسامة والشياكة، كانت أي بنت في مدينتهم الصغيرة تتمناه، لكن لأ هو مش عبيط هو شاف ولف فات على كل الكباريهات وبنات الليل، وقعد فترة طويلة مع واحدة منهم وعرف ازاي لما تكون معاه بتكون عاملة ازاي، ولما تروح بيتهم وتقعد مع حد من عيلتهم ولا معارفهم، ده بيحلفوا ساعات بأخلاقها، اه والله.
صاحبنا بقى خبرة وقرر يتفحص ويتمحص، وفعلا حط عينه على واحده مش محتاج يسأل على أخلاقها، ورغم جمالها اللي مافيش حد ما يحسدهاش عليه، لكن خطواتها محسوبة من المدرسة للبيت، أه هي مدرسة أشغال يدوية في مدرسة ابتدائية، يعني جمال وست بيت كمان.
ما اطولش عليكم، اجوزها وكانوا أسعد اتنين، وعلشان التجارب السابقة فكان بيغير عليها موت، ولما كانوا مره مسافرين وعلى بحر اسكندرية وكل لما تبص يمين ولا شمال، إن يشوف واحد بيبص عليهم، يسألها، انت تعرفي الشخص ده؟
ومرة واحد بدون قصد شاب خبط فيها من الزحمة، شتيمة وزعيق والموضوع اتطور أنه اصاب الشخص بعاهة مستديمة،
الموضوع دخل الأقسام، ومعارفه اللي في اسكندرية اتدخلوا وانتهى بالصلح بعد ما دفع تعويض كبير.
هنعرف الحلقة الجاية الغيرة ده راحت فين والتغير المفاجئ كان سببه إيه وازاي انتهت الحكاية في قسم الشرطة.
