علياء في دعوى إثبات نسب: مش عايزة ابني يضيع زي ما أنا ضعت
حضرت سيدة عشرينية إلى محكمة الأسرة بالتجمع الخامس لرفع دعوى إثبات نسب صغيرها ضد زوج استغل تفكك أسرة الزوجة، واستدرجها لعلاقة محرمة.
محكمة الأسرة
قالت علياء إنها ضحية للتفكك الأسري؛ حيث بدأت حياتها بزواج خاطئ بين والدتها وشخص أهوج رفض الإنفاق على زوجته، وفر هاربا من تلك الزيجة التي لا يقدر على تحمل مسئوليتها.
وأضافت علياء "أبويا هرب ورفض يصرف عليا وعلى أمي اللى رفعت عليه دعوى نفقة وأنا عندي 4 سنين، وخدت حكم بـ200 جنيه، وفضلت بين أم عايزة تنتقم وأب رمى ضناه، وأنا اللي ضعت في النص".
صلاح في دعوى إسقاط حضانة: «حماتي مانعة عيالي مني»
ابن الجيران ضحك عليا بكلامه المعسول
وأضافت السيدة "رحت أعيش مع جدتي بعد ما رمتني أمى واتجوزت، وقعت في حب ابن الجيران، ضحك عليا بكلامه، واداني الاهتمام والحب اللي أهلي حرموني منه، اتجوزني عرفي لحد ما ظروفه تتحسن، بس اتخلى عني لما حملت، وقال إن اللي في بطني ابن حرام، ورفض يثبت نسبه، وأنكر الزواج".
زوجة في دعوى خلع: مبيستحماش وجيراني بيعايروني بريحته الوحشة
لجأت علياء إلى محكمة الأسرة بالتجمع الخامس؛ لرفع دعوى إثبات نسب حملت رقم 1409 لسنة 2022، وقضت المحكمة بإثبات نسب الطفل إلى والده.
