سيدة تروى كيف أنقذتها الشرطة بعد تعطل سيارتها بطريق مصر الإسكندرية (صور)

فى موقف إنسانى قدم رجال الشرطة بنزين لسيدة تعطلت سيارتها بطريق مصر الإسكندرية الصحراوى.
وروت السيدة تجربتها الإيجابية مع رقم استغاثة المرور، وقالت فى منشور لها على صفحتها الشخصية بالفيس بوك: "مش عادتى أكتب بوست، بس حقيقي عديت بحاجة إيجابية".

وأضافت "النهاردة كنت راجعة على الطريق الصحراوى من القاهرة لاسكندرية، وللأسف نسيت احط بنزين و انا طالعة من القاهرة، واتلخمت فى الطريق بكذا مكالمة، العربية قطعت بنزين منى عند الكيلو ٩٠" .

وتابعت "ركنت على جنب، طلعت نمرة إغاثة المرور وقلت اجرب اتصل بيهم، ولو ما نفعش اكلم بعد كده اي شركة خاصة، فعلا كلمتهم وخلال ٢٠ دقيقة جالى حوالى ٣٠ تليفون كلهم بيسألونى عن مكانى والتفاصيل اللى حواليا، و بيطلبوا منى share location.
من التليفونات ناس من المرور، ناس من النجدة وفى عميد كلمنى يطمنى وطلب منى اقفل العربية على نفسي".

وأكملت "بعد ٢٠ دقيقة لقيت ٣ عربيات نجدة، ونش مرور جايبلي بنزين، عربية جيش وصلولى، حطيت البنزين، الونش مشى معايا لغاية اول بنزينة، كلمنى بعدها اطمن ان كله تمام ، وبعده عميد من النجدة كلمنى يطمن برضة".

وأكدت "مارضيوش ياخدوا اى فلوس مقابل ثمن البنزين، وطلبت منهم انهم يتصوروا علشان اعرف اقولهم شكرا".

وقدمت السيدة الشكر لإغاثة الطريق وشرطة النجدة ووضعت رقم الإغاثة 01221110000.

تابع أحدث الأخبار عبر